K.óla – í Salnum

K.óla (IS) er sólóverkefni Katrínar Helgu Ólafsdóttur. Hún hefur komið fram undir því nafni síðan 2017, bæði með hljómsveit og án. Hún hefur samið popplög og tónlist fyrir stuttmyndir og leikhús, saumað bækur, samið verk fyrir Sinfóníuhljómsveit Íslands og gert teiknimynda myndbönd. Hún hefur einnig samið nútímalegri-klassísk verk, bæði fyrir klassísk hljóðfæri og aðra hluti og hlutverk, eins og hlaupara á hlaupabretti. Nú einbeitir hún sér aðallega að því að semja, spila og gefa út sína eigin popptónlist.

Hún spilar á rafbassa eða gítar og syngur á ensku eða íslensku. Í salnum mun hún koma fram ásamt hljómsveit.

Hún á fjölbreytt úrval laga sem hún flytur einatt með hljómsveit eða án með playbacki og einföldum sviðshreyfingum. Tónlist hennar inniheldur einfaldar en samt leikandi laglínur með einlægum en stundum sérkennilegum textum. Litríka sýn hennar má sjá í tónlistarmyndböndum hennar og sterk sjónræn sjálfsmynd hefur alltaf verið hluti af listsköpun hennar, stundum með teiknimyndalegum eiginleikum eins og grímum og búningum, eða bláum plast-kjól. K.óla var mjög virk í grasrótartónlistarsenunni á Íslandi sem hluti af lista-hópnum „post-dreifing“ frá árinu 2018 en frá árinu 2022 hefur hún búið og starfað í Kaupmannahöfn.

You may also like the following events from Salurinn Tónlistarhús:

• Next month, 7th August, 06:00 pm, Michael Cooper - Hvatningarupplifun - Hugarfar meistarans in Kopavogur
• This September, 4th September, 08:00 pm, Carpenters NOSTALGÍA in Kopavogur
• This September, 7th September, 01:30 pm, Að endalokum | Tíbrá in Kopavogur