Tom Roger Aadland

Tom Roger Aadland er ein av landets beste tekstforfattarar og formidlarar, og blant dei mest inderlege og minst jålete artistane i landet i møte med sitt publikum.

I 2025 er han aktuell med både plate og bok, og han vil presentera begge på konserten i Spinneriet.

Hans kritikarroste, siste plate, «Lysvandring» (2024), var med på mange lister over årets beste album i fjor. Songar som «Salmer unda palmer» og «Ditt vakre sinn» blei radiofavorittar, nett som tidlegare Aadland-perler som «Alle dei i ei» og Dylan-tolkinga «Vikla inn i blått» (Tangled Up In Blue).

I år har han også gitt ut boka «Alle dei i ei - Songlyrikk 1999-2024», der tekstane til rockepoeten frå Vikebygd i Vindafjord er samla mellom to permar.

I tillegg til å skriva sine eigne songar, har Aadland også levert tekstar til band som Hellbillies og Vamp. Han er også kjend for sine norske omdiktingar og coverversjonar av songane til Bob Dylan.

Konserten og bokbadet med Tom Roger Aadland er ein del av Kulturhaust i Ryfylke 2025.

Kjøp billett på Hjelmeland Hoopla https://hjelmeland.hoopla.no/event/1334920667

You may also like the following events from Hjelmeland kommune:

• This month, 29th November, 03:30 pm, Julemarknad i Hjelmelandsvågen in Hjelmeland

Also check out other Music events in Hjelmeland, Entertainment events in Hjelmeland.