Hefur þú tekið námskeiðið GRUNNUR AÐ ORKUVINNU og langar að viðhalda færni þinni?
Langar þig að dýpka skilning á orkuvinnu enn frekar?
Viltu að læra að nota verkfærin þín betur?
Þyrstir þig í meiri þekkingu?
Hvort sem þig langar að kafa dýpra, bæta fleiri verkfærum í kistuna þína, styrkja orkusviðið þitt eða viðhalda orkuvinnu, þá er þetta námskeið fyrir þig. Námskeiðið FRAMHALD AÐ ORKUVINNU er kennt í Móum Studio, Bolholti 4 miðvikudagskvöldin 6. - 27. september frá kl. 20.00-22.00.
Á þessu námskeiði ætlum við að skoða hvernig við getum viðhaldið grunnþáttunum okkar og dýpkað þekkinguna á þeim, ásamt því að bæta við nýrri færni.
Í fyrsta tíma ætlum við að rifja upp tækin og tólin sem við lærðum á síðasta námskeiði; jarðtenging - hreinsun - vernd - tengingar. Skoða hvað nýtist okkur best og hvort það sé eitthvað annað innan þess sem við lærðum, sem kallar á núna og við erum tilbúin að bæta við rútínuna okkar. Við munum einnig fara yfir meðhjálpara, samskipti við þá og þeirra hlutverk í andlegri vinnu.
Hvað eiga altari, innköllun (manifestation) og óskir sameiginlegt? Í öðrum tímanum förum við yfir heilög rými og hvernig við mótum altari. Við munum fara yfir það sem skiptir máli til að jarðtengja rými, kalla inn það sem við þurfum og hvað við þurfum að gefa í staðinn. Skoðum hver sé tilgangurinn í slíkum gjörðum og hvað þarf til að eiga gott samstarf í slíkri iðkun.
Í þriðja tímanum skoðum við heilagar athafnir. Við skoðum bæði formlegar og óformlegar athafnir; hvernig þær eru byggðar upp og hvenær við framkvæmum þær. Við skoðum hringrás þeirra, hvað skiptir máli í farsælli athöfn og hvaða afleiðingar sumar þeirra geta haft. Hér skoðum við sérstaklega innköllun (manifestation), óskir, blessanir og kaflaskil.
Förum þaðan yfir í orkulíkamana og lærum að koma af stað innri heilunarkerfum líkamans, bæði með hreyfingu og heilun. Hægjum hugarflauminn, kveikjum á forvitninni og leyfum orkunni að flæða. Við munum læra að beina orkunni sérstaklega að ákveðnum pörtum líkamans og finna hvernig orka getur komið ólíkt fram þegar við speglum hana og setjum ásetning.
Hver tími byrjar á því að lenda í mjúku rými Móa með seremóníal kakó eða Móate við hönd og hjarta. Þaðan er stundin leidd yfir í þema dagsins með fyrirlestri, hugvekjum og æfingum í bland. Stundin endar svo á slökun í formi jóga nidra æfingar eða tónheilunar.
Við mælum með að vera í þægilegum fötum og taka með bók til að skrifa í það sem þér finnst áhugavert í tímanum og hvað gerist á milli þeirra.
Kristjana Jokumsen er kennari námskeiðsins. Hún hefur verið næm frá barnsaldri og hefur stundað orkuvinnu frá táningsaldri. Hún hefur lært hinar ýmsu aðferðir til jarðtengingar, verndar og hreinsunar í gegnum árin, við ólíkar aðstæður, og hefur sett þekkinguna sína saman í þetta námskeið fyrir aðra að njóta.
Kristjana er með B.A. í uppeldis- og menntunarfræði með sálfræði sem aukagrein og M.A. í fötlunarfræði frá Hí. Hún hefur einnig lokið námií stjórnendamarkþjálfun frá HR. Hún er Reiki Meistari og hefur unnið með reiki og kundalini orku í 20 ár. Hún er höfuðbeina- og spjaldhryggjameðferðaraðili, með menntun í NA Shamanisma og er Yin yoga og Yoga Nidra kennari.
Auk þess að vinna sem kennari í Móum er hún einnig eigandi, markþjálfi, ráðgjafi og meðferðaraðili fyrir Hug í Hjarta. Hægt er að panta einkatíma hjá henni hér:
https://noona.is/hugurihjarta.
Verð fyrir námskeið: 29.900.-
Innifalið í verði er aðgangur að öllum opnum tímum Móa Studio á meðan á námskeiði stendur.
25% afsláttur fyrir áskriftahafa. 15% afsláttur fyrir fólk með örorku, námsfólk & heldra fólk.
Skráning fer fram hér:
https://shop.moarstudio.is/products/framhald-ad-orkuvinnu-4-vikna-namskeid-3-sept
You may also like the following events from MÓAR studio:
Also check out other
Health & Wellness events in Hafnarfjörður,
Business events in Hafnarfjörður.
|
