På det nye albumet sitt Tomorrow We`ll Figure Out the Rest har Silje komponert ei samling melodiske låtar inspirert av klassiske jazz-standards. Songar om livet og kjærleiken – universelle tema som me alle kan relatere oss til. I 2025 legg ho ut på ein omfattande europaturné med nokre av dei fremste jazzmusikarane i Noreg.
«Dette var mine foreldres popmusikk, musikk de sang og danset til. Jeg vokste opp med denne musikken og den ble en viktig inspirasjon for meg da jeg begynte å skrive mine egne sanger. Jazz har alltid ligget i bunn for alt jeg har skapt. Men jeg har alltid prøvd å lage min helt egen personlige vri.»
Med dette albumet kjem Silje attende til jazzen, der det heile starta i 2001 med At First Light, som opna døra til den internasjonale jazzscena. Songane er spelt inn med det faste bandet hennar gjennom mange år, og Stavanger Symfoniorkester. Arrangementa er skrive av amerikanske multi-Grammy-vinnar Vince Mendoza.
«Jeg har det ikke i meg å gå de enkle og raske veiene. Jeg ønsker å gjøre vakre og tidløse innspillinger i dagens flyktige verden og bransje – vi lever i en tid hvor ting kommer og går og fort, og blir like fort glemt. Derfor er det så viktig for meg å holde et høyt kunstnerisk nivå i alle ledd. Og jeg ønsker at sangene mine skal være tidløse, akkurat som sangene som har inspirert meg til å skrive mine egne.»
I tillegg til låtar frå det nye albumet syng Silje dei kjende og vakre klassikarane sine, som Be Still My Heart, Dance Me Love og Lullaby to Erle. Songar som har funne ein heilt spesiell plass i liva til lyttarane hennar over heile verda.
Silje sitt band med Helge Lien på piano, Jarle Vespestad på trommer og Finn Guttormsen på bass har spelt ei viktig rolle gjennom den musikalske karrieren hennar. Dei har reist med henne verda rundt og vore med på mange konsertar og plateinnspelingar. Dei er alle unike instrumentalistar, og tek med seg eit heilt personleg preg inn i musikken med leik, varme og kjensler. Silje beskriv musikarane sine som familie: «Vi kjenner hverandre så godt og er så samspilte - det er som vi puster fra samme lunge».
Dette er eit unikt musikalsk samarbeid, der Silje og bandet hennar skapar ei intim og varm jazzstemning. Konsertane er som medisin for hjarta og gjev publikum ei kjensle av at tida står stille i eit augeblikk.
Silje Nergaard - vokal
Helge Lien - piano
Jarle Vespestad - trommer
Finn Guttormsen - bass
You may also like the following events from Ål kulturhus:
Also check out other
Music events in Hønefoss,
Entertainment events in Hønefoss.
