I eit haustmørkt innhuk ved kulturhuset sprakar eit forlokkande neonlys; SideSprang. Klirring i glas, taktfast tramping og heite dansegolv lokkar tyrste og festklare hallingar ned i kjellaren til reinspikka folkemusikk-klubb!
Denne laurdagen har me samla nokre av landets beste til å låte på kjaften: Vokaltrioen Hekate, med Malin Alander, Silje Risdal Liahagen og Synnøve Brøndbo Plassen, tek den tradisjonelle dansemusikken i ei ny retning med kompromisslaus kveding i klubbsetting.
Med materiale frå heile landet som utgangspunkt, tek dei slåttemusikken på nye vegar gjennom improvisasjon, kraftfulle klangar og heftig tramp. Når dei set i gang maktar sjølv ikkje den seigaste segafue å stå stille.
Golingen Lars Fivelstad Smaaberg er blant landets beste kvedarar og dansarar, med ei røyst så mjuk som smøreprim og så rå som sushi, trallar han fletta av sjølv den skrinnaste hentesveisen.
Frå kl 20.00 blir det lynkurs i springar og gamaldans, inkludert gommokaku!
* Dører og bar opnar kl. 19.30
* Lynkurs i dans kl. 20.00
* Konsertstart ca kl. 21.00
You may also like the following events from Sprang:
|
