Jul på museet

Velkommen til eit stemningsfullt førjulsarrangement på Hallingdal Museum! Ta med familie og venner, og opplev museet pynta til jul med lys og dekorasjonar.

I Tandberg-bygget finn du Nesbyen Husflidslag med juleverkstad, peparkakebaking og kafé. Ute er det mogeleg å ri på hest, og Espesetnissane er på plass med ynskjeboka.

Dagen avsluttast med fakkeltog frå museet til julegrantenning i sentrum.

Stad: Hallingdal Museum, Nesbyen
Pris: 100 kr for alle over 5 år. Barn under 5 år går gratis.
Arrangørar: Nesbyen Husflidslag og Hallingdal Museum

Førebuingane før jul vart kalla jolesnuggen eller julesnuggje. Snuggen tok til om lag ein månad i førevegen. Då vart det slakta, baka, bryggja øl, og til sine tider brent brennevin. Det var mykje å passe på, både før jul og i julehøgtida, og mykje som skulle gjerast på ein bestemt måte. Mykje av grunnen til dette var omsynet til dei underjordiske, som var ute og fór denne tida.