Koeppchen Youth Cup

De Weekend vum 28. a 29. Juni 2025 steet beim F.C. Koeppchen ganz am Zeeche vun eiser Jugend mat eisem traditionellen „Koeppchen Youth Cup“ zu Wormer an eisem Stade “Am Ga”.

De Samsten 28.06.2025 ass schonn déi 20. Kéier, datt dësen Tournoi an der Kategorie Pupilles/U9 zu Wormer um Terrain ausgedroe gëtt.

Mir freeën eis drop fir kënnen insgesamt 36 Ekippen ze empfänken. Och dës Joer sinn nees vill Natiounen um Youth Cup vertrueden, dorënne Frankräich, Däitschland, Belsch a Lëtzebuerg.

De Sonndeg, 29.06.2025 fënnt dann nach den Koeppchen Cup statt. En Tounoir fir eis Kategorien Bambini, Poussins an Minimes.

Wärend deenen zwee Deeg versiche mir de Spillerinnen a Spiller e flotten, léierräichen an onvergiesslechen Tournoi ze bereeden, bei deem de Fussball a virun allem de Spaass am Virdergrond stoe soll.

Kommt also bei eis op Wormer laanscht a verbréngt e flotten fussballereschen Dag.

#mirvunderkoeppchen

You may also like the following events from FC Koeppchen Wormeldange:

• Next month, 20th July, 11:30 am, Éiner Wënzerdag 2025 in Hesperange