Vi markerer starten på sommarsesongen med ei sesongopning, og ynskjer små og store hjartleg velkomen til Sunnfjord Museum!
På sesongopninga har vi eit rikt program, og du kan vere med på aktivitetar både inne og ute.
Kl. 12.30 Utstillingsopning av utstillinga Spelemenn og sognekjerringar: underhaldning i det norske Amerika. Omvising v/ museumsleiar Sallie Anna.
Kl. 14.00: Museumsgeitene får namn.
Namngjeving til dei tre museumsgeitene. Etterpå kan born og vaksne bli med inn på beitet og gje geitene kos og mat.
Kl. 15.00: Familieomvising (Omvising på norsk). Bli med på ei omvising i friluftsmuseet og høyr om korleis folk på sunnfjordbygdene budde og levde på 1800-talet. Vi besøker mellom anna Østenstadstova, ei røykstove frå 1500-talet, og skulestova der du kan skrive med blekk og penn.
Kl. 10-15: I stabburet kan du sjå konservatoren vår, Kristine, jobbe med gjenstandar og førebu ny miljøutstilling. Ho svarar gjerne på spørsmål.
Heile dagen:
* Prøv uteleikane som står i tunet. Du kan gå på stylter og kaste ringspel.
* Huus-stova er open, og her kan du spele brettspel, teikne eller nyte medbrakt niste.
* I eldhuset kan du kverne korn med handkverna.
Museumsbutikken er open med sal av is, brus, kaffi og enkle kioskvarer. Vi har nokre glutenfrie varer. Spør i resepsjonen.
Ope kvar dag resten av sommaren!
Frå 1. juni-31. august held vi ope kvar dag!
Kl. 10-17 måndag til fredag
Kl. 12-17 Laurdag og søndag
Billettprisar:
Barn (u. 18 år): Gratis
Vaksne: kr. 130,-
Honnør/student: kr. 100,-
For å kome inn på museumsområdet i opningstida må du kjøpe billett. Du kan kjøpe billett i resepsjonen, eller på nett. Brukar du tilbodet vårt mykje? Kjøp eit årskort du kan bruke hjå oss og resten av Musea i Sogn og Fjordane eit heilt år frå kjøpsdato!
You may also like the following events from Sunnfjord Museum:
