DIE VYFTIGERS- met NEIL SANDILANDS, SCHALK JOUBERT, GIAN GROEN & ABEL KRAAMSAAL

Hierdie jaar is Afrikaans amptelik 100 jaar oud. Dan, is daar Die Vyftigers. Die beste ding om die son sedert kaaskoek! Dis nou mense wat hierdie jaar, in 2025, presies 50 jare om die son vier. Só, mooi in die middel, helfte so oud soos ons Moedertaal, waar al die aksie is. Ek wonder wie?

Genugtig! Neil Sandilands, Schalk Joubert, Gian Groen & Abel Kraamsaal is almal 50 in 2025. Die manne skryf en speel mos ook hul eie musiek, nie waar nie? Wat daarvan as ons hulle almal saam op ’n verhoog kry vir ’n aand waarin ons die afgelope 50 en 100 jaar sinvol tot orde kan roep, dekonstrueer, vier en inasem? In hierdie een klein, nederige reus van ’n taal, Afrikaans? Trefferidee, ek sê jou!

Die vier musketiers het reeds by die Kalfiefees Bekendstellingsseremonie gespeel en die ontvanklike gehoor kon nie uitgepraat raak oor die trefkrag van dié aanbod nie. Dis ’n aand van viering, gevul met ritme, melodie, nuutskepping en glimlagte. Rou, eerlike Afrikaans op haar beste.

“Die Vyftigers” tree op by Die Boer Teater, 12 Julie 2025. Mens kan nie ’n beter geleentheid verbeel om die volheid van tyd in te drink nie. Kom maak mee, vriend. Sien jou 12 Julie by Die Boer in Durbanville.

You may also like the following events from Die Boer:

• This Tuesday, 27th May, 08:30 pm, FRANK OPPERMAN in REUNIE in Durbanville
• This Wednesday, 28th May, 08:30 pm, DANIE REENWOLF DU TOIT - DIE WERELD TUSSEN ONS (5de Digbundel) in Durbanville
• This Thursday, 29th May, 08:30 pm, LIZELLE PIKE met "INGRID –’n VLAM IN DIE SNEEU" - Geen O/16 in Durbanville