Musikalsk gudbrandsdalspremiere – og tett på verdspremiere!
Opplev eit ferskt nytt tingingsverk – verda har aldri sett eller høyrd ein strykekvintett der alle instrument har understrengar som på hardingfela. Før no!
Istem er eit heilt nytt verk av Vegar Vårdal, ein konsert skrevet for nye hardinginstrument utvikla av Ottar Kaasa. iStem blir framført av ein flott bukett utøvarar i skjeringspunktet mellom kammermusikken og folkemusikken. I tingingsverket iStem ynskjer musikarane å vise likskap og kontraster i desse to sjangrane ved å skape eit breitt uttrykk som kan opplevast som heimehøyrande i både det klassiske og det folkemusikalske uttrykket.
Kvintetten består av tre hardingfeler, ein hardingbratsj og ein hardingcello. Namnet istem speler på alle understrenganr som kling med overstrengane når dei spelar. Instrumenta skapar eit lydbilde ingen har hørt før, det er folkemusikalsk og klassisk, gamalt og nytt, kjent og ukjent på same tid.
Urframsyninga av tingingsverket er på Telemarkfestivalen sommaren 2025, noko som og var verdspremiere for ein strykekvintett der samtlege instrument har understrengar som syng i lag – noko som gir ein heilt ny klangbotn og rom for eksperimentering. I tingingsverket vil det vere nykomponert og nyarrangert musikk med hovudvekt på slåttemusikk.
I tillegg til å vere solist har Ottar Kåsa – ein av landets fremste instrumentmakarar - laga hardingfelene, hardingbratsjen og hardingcelloen som vert nytta i framføringa.
Unge utøvarar frå Gudbrandsdal hardingfelelag deltek på konserten.
Kvintetten består av Ottar Kaasa, Sivert Holmen, Nora Taksdal, Johannes Martens og Vegar Vårdal.
Med på konserten har dei det nystarta Gudbrandsdal Hardingfelelag med unge hardingfelespelarar frå Gudbrandsdalen.
You may also like the following events from Gudbrandsdal Musikkfest:
Also check out other
Concerts in Dombås.
