50 Sena mit-traġedja tal-Vulcan Bomber

L-14 ta' Ottubru hija data mnaqqxa fl-istorja Żabbarija u dik tal-avjazzjoni f'Malta. Din is-sena, f'għeluq il-ħamsin sena minn din id-diżgrazzja, l-Għaqda Madonna tal-Grazzja Banda San Mikiel Żabbar qed ittella' serata kommemorattiva bis-sehem tal-Banda San Mikiel taħt id-direzzjoni tas-Surmast Direttur Mro Matthew Grech u akkumpanjata mis-Soprano Mardy Farrugia. Apparti diversi siltiet, il-Banda San Mikiel se tkun qed tesegwixxi silta oriġinali fuq kompożizzjoni ta' Mro Matthew Grech u lirika ta' Joann Spiteri.

Is-serata tinkludi reċta fuq kitba ta' Gabriel Lia u bis-sehem ta' diversi atturi taħt id-direzzjoni ta' Maria Laura Vella Clark. Din se tkun qed tikkumplimenta l-filmati meħuda dak iż-żmien u s-siltiet tal-Banda. Se jintwerew esklussivament sett ta' intervisti ġodda meħuda minn Jesred Bezzina u Mark Spiteri lil nies li għexu din l-esperjenza ħamsin sena ilu.

Din is-serata se tkun qed tiġi ppreżentata minn Gordon Caruana.

Nistednukom biex tingħaqdu magħna nhar is-𝐒𝐢𝐛𝐭 𝟏𝟏 𝐭𝐚' 𝐎𝐭𝐭𝐮𝐛𝐫𝐮, 𝐟𝐢𝐬-𝟕:𝟑𝟎𝐩𝐦, lejn nofs ta' 𝐓𝐫𝐢𝐪 𝐢𝐬-𝐒𝐚𝐧𝐭𝐰𝐚𝐫𝐣𝐮, proprju fejn seħħet it-traġedja biex flimkien ngħixu din id-diżgrazzja bi grazzja moħbija.

Ġentilment kulħadd mitlub biex ikun bilqiegħda fis-7:15pm.

Also check out other Music events in Cospicua, Entertainment events in Cospicua.