Passar frå 4-8 år
Varigheit ca. 1 time og 20 min.
Skogen treng hjelp, er du den rette?
Sidan eldgamle tider har skogsalvane passa på skogen vår og dei som bur i den. Dei passar på at jorda er frisk, lufta rein og at dyr og insekt gjer det dei skal. No er det skogsprinsessa Alva si tur til å bli dronning.
Men alt går ikkje som tenkt på kroningsdagen... Rykter og vonde tankar spreier seg i skogen, og plutseleg er det vanskeleg å vite kven som snakkar sant i den store skogen, kor kjem desse mørke tankane ifrå? Skogen treng hjelp frå nokon med eit vakent blikk: menneska.
Bli med inn i skogsriket og opplev eit spanande vandreteater for heile familien!
Praktisk informasjon:
Kle dykk etter vèret: Alt foregår utandørs så kle deg for ver og vind. Det kan vere lurt å ha med litt å drikke og noko å ete på undervegs, om det vert behov for litt påfyll for dei minste. Vi kan kome til å bevege oss i noko ulendt terreng- ein må difor vere stødig til fots. For dei minste kan bæremeis være fint å sitte i. Vi kan også anbefale å ta med sitteunderlag.
Hundar må vera heime denne dagen.
Arrangør: Austrheim folkebibliotek/DKS i samarbeid med Dyrnes, Rebnord og Øksnes vel.
|
