Samtale med Leander Djønne + filmvising og fest

Samtale med Leander Djønne og Silja Leifsdottir på Litteraturhuset, og deretter filmvising og fest på litteraturbåten EPOS

Skulptur, film og dikt er nokre av uttrykksformene til den etablerte biletkunstnar Leander Djønne. I 2022 gav han ut sin første roman, Oskespiralen, ein debut som blei hylla av kritikarane og som vann P2-Lyttaranes romanpris same året. No er Djønne aktuell med sin andre roman. Alt et.

Tvillingane Våle og Rind er i gravferda til foreldra. Dei skal bu hos besteforeldra. På Garden blir dei skilde frå kvarandre. Besten er grufull, besta kraftlaus. I ura over garden bur ein svanger jerv. Ho kjenner raseriet vekse. Møt Djønne i samtale med kurator ved Kunsthallen Silja Leifsdottir om avmakt, nedarva vreide, trolldom og hamskifte – og om likskapen, eller ulikskapen, mellom biletkunstnaren og forfattaren Djønne.

Det blir boksal og signering etter samtalen.

NB! Etter scenesamtalen på Litteraturhuset blir det filmvising ved Leander Djønne og fest på litteraturbåten EPOS, som ligg til kai ved Kjødehallen, USF Verftet. Tidspunkt: 21.00-23.00.

Dette arrangementet er inkludert i billetten. Det er også mogleg å berre få med seg filmvising og fest med Leander Djønne på EPOS. Her blir det selt eigen billett ved inngangen.

200/60,– (stud./honnør).

You may also like the following events from Litteraturhuset i Bergen:

• Next Friday, 5th September, 07:00 pm, Discodrøv: Charlie Skien in Bergen
• Next month, 10th September, 07:00 pm, Kvinner i kunsten: Else Hagen – Foredrag ved Gunnar Danbolt in Bergen
• Next month, 13th September, 07:00 pm, Boklansering av «Lykksaligheten (av en plutselig død)» in Bergen

Also check out other Festivals in Bergen, Entertainment events in Bergen.