Forteljarkveld: Per Kristian Sebak "Ei reise frå Herdlevær via Bergen til USA i 1910"

Velkommen til haustens andre forteljarkveld

Per Kristian Sebak: Ei reise frå Herdlevær via Bergen til USA i 1910

Mellom 1825 og 1930 utvandra fleire hundre tusen nordmenn til Nord-Amerika. Mange kom òg tilbake. Mykje av det som er skrive og fortalt om utvandringa til USA, har handla om årsaker på heimstaden og integrasjon og forholda i det nye landet. Men korleis gjekk sjølve reisa føre seg, korleis kjøpte ein billett, kva reisemoglegheiter fanst, og kva hindringar møtte utvandraren på vegen? Korleis var det mogleg for så mange å kryssa Atlanterhavet? Kva utvandrings- og innvandringsreglar gjaldt? Kva aktørar var involverte i amerikareisa, og kva rolle spelte dei? Foredraget vil fortelja om reisa frå Noreg til USA tidleg på 1900-talet, med utgangspunkt i ein 19-åring som utvandra frå Herdlevær til USA i 1910.

Per Kristian Sebak er avdelingsdirektør ved Bergens Sjøfartsmuseum i Museum Vest. Han har doktorgrad i historie frå Universitetet i Bergen og har spesialisert seg på transatlantisk migrasjon og passasjerfart, i tillegg til Holocaust i Noreg.

Foredraget er ein del av utvandrerjubileet Crossings200
Open kafe frå klokka 18.00

Billettpris:
Ordinær: 130 kr
Sogelagsmedlem/ Museum Vest årskort: 90 kr

You may also like the following events from Kystmuseet i Øygarden:

• This Saturday, 4th October, 12:00 pm, Utstillingsopning: Berekraftig barndom? Leiketøy gjennom 100 år in Bergen