Tímamótatónleikar 50+

Tímótatónleikar 50+

Um þessar mundir hafa orðið ýmis tímamót í lífi mínu. Í fyrra varð ég fimmtugur, og í ár fagna ég 22 ára edrú afmæli. Í tilefni þessara tímamóta býð ég ykkur uppá sannkallaða tónlistarveislu á Fosshóteli Húsavík, sunnudaginn 19. október kl. 20:00 ásamt góðum vinum og gestum.

Komið verður víða við í gegnum tónlistarferilinn síðustu 35 árin.

Flutt verða lög sem hafa fylgt mér í gegnum tíðina og tryllt dansgólfin á böllum með hljómsveitunum Bónus, Exit, Rafael, Danshljómsveit Húsavíkur, LúXus og Í góðu lagi. Sagðar verða sögur á milli laga og þeirra minnst sem höfðu hvað mest áhrif á mig í tónlistinni og lögðu grunninn. Einnig verða flutt nokkur frumsamin lög og fleiri lög sem flestir þekkja.

Á þessu ári eru 28 ár síðan faðir minn féll frá, en hans verður sérstaklega minnst bæði í tónum og tali.

Með í för verður úrvalslið hljóðfæraleikara og söngvara sem m.a. hefur starfað með mér til lengri eða skemmri tíma, og munu ásamt mér sjá til þess að tónarnir skili sér óaðfinnanlega til áhorfenda.

Ágóði af sýningunni mun renna til Samhjálpar, en í meðferðarheimilið Hlaðgerðarkot fór ég fyrir 22 árum og vil ég segja að þar var mér bjargað og hjálpað til bata og verð ég ALLTAF þakklátur fyrir það.

Nánar auglyst síðar...