Sigurhæðir - opnun ársins 2025

Opnun á ferskri heildarsýningu í Menningarhúsi í Sigurhæðum ásamt mögnuðum og glæsilegum nýjum verkum Margrétar Jónsdóttur leirlistamanns, sem hún hefur unnið fyrir Sigurhæðir af einstakri natni síðastliðið ár.
Sýning Margrétar er hluti af 40 ára starfsafmæli hennar sem listamanns á Akureyri.
Opnunardagskráin hefst kl 13 og endar á listamannsspjalli við Margréti kl 14-14.20.
Logi Már Einarsson, ráðherra menningarmála, nýsköpunar og háskóla flytur stutt ávarp.
Frumflutt verður tónlist eftir Gunnar Haraldsson, meistaranema í tónsmíðum við Listaháskóla Íslands, sem hann samdi í vor sérstaklega í samvinnu við Margréti fyrir Sigurhæðir.
Hægt verður að rölta um húsið, fá nasaþef af nýjum og spennandi hlutum að þróast á efri hæð Sigurhæða - staðurinn verður opinn til kl 17 þennan dag.
Léttar veitingar - enginn aðgangseyrir - öll velkomin.
Starfsemi og sérverkefni Menningarhúss í Sigurhæðum í ár eru samfjármögnuð af ráðuneyti Menningar-, nýsköpunar og háskóla - Barnamenningarsjóði og Örvari, Akureyrarbæ, Uppbyggingarsjóði Samtaka sveitarfélaga á Norðurlandi Eystra, Menningarsjóði Akureyrar, Kvenréttindafélagi Íslands, Útgáfufélaginu, Flóru menningarhúsi og fjárframlögum almennings.