Harmonikan heiðruð í Hofi 4. maí

Hátíðartónleikar verða haldnir í Hömrum í Menningarhúsinu Hofi á Akureyri sunnudaginn 4. maí klukkan 16:00. Þar munu nokkrir af fremstu harmonikuleikurum Íslands flytja áheyrendum fjölbreytta tónlist í mismundandi stíl frá ólíkum tímabilum tónlistarsögunnar. Meðal flytjenda eru: Flemming Viðar Valmundsson, Ásta Soffía Þorgeirsdóttir, Tríó Mýr og Stórsveit FHUE undir stjórn Roar Kvam.
Miðasala er á tix.is og mak.is

Frá klukkan 14:30 munu nikkutónar óma um ganga Hofs þar sem gestir og gangandi geta heyrt harmonikuna óma á leið sinni um húsið þar sem harmonikuleikarar munu skapa skemmtilega kaffihúsastemningu. Á kaffihúsinu Móa Bistró er hægt að setjast niður yfir kaffibolla og veitingum eða með veigar í glasi á hamingjustundar verði.
Einnig verða hinar ýmsu harmonikur til sýnis sem eru komnar til ára sinna og hafa sögu að segja.

Also check out other Arts events in Akureyri.