Axel Flóvent og jólabjórarnir.

Húsið opnar kl. 20. Tilboð á jólabjórum til kl. 21.

Jólabjórarnir Jóli Prik og Stútur verða tengdir fyrir opnun og munum við moka þeim út á meðan Axel Flóvent, sem vart þarf að kynna, spilar nokkur af meistaraverkum sínum.
Stemningin verður eftir því, frábær!

JÓLI PRIK er jólabjór. Annars héti hann Óli prik. Eða bara eitthvað allt annað.

Jólabjór er auðvitað bara bjór eins og hver annar og engar reglur til um það hvað gerir hann að jólabjór. Að danskri fyrirmynd er jólabjórinn oft millidökkur lager, svolítið bragðmeiri en dagdrykkjulagerinn og sveipaður ógæfuskotnum hátíðarljóma. JÓLI PRIK tekur innblástur þaðan en hefur þó sterk sérkenni bruggarans. Við sjáum fyrir okkur að ef landnámsmaðurinn Náttfari hefði bruggað danskan bjór fyrir jólin í Náttfaravík árið 870 væri það þessi bjór. Það eru þó vissulega getgátur — og reyndar afar ólíklegt.

JÓLI PRIK er ljúfur, bragðmikill og jólalegur lagerbjór.


STÚTUR er líka jólabjór.
Það er Stout, hafra stout með espresso baunum.
mjúk áferð en þurr. Ekkert jólakonfekt eða jólasýróp. Bara stout, fyrir þá sem vilja hann eins og hann var.