Prelude med Stemt // Herøy Kyrkje

Vi nærmar oss den lysaste tida på året. Tida då sola varmar og det spirer og gror. Kjærleiken får blomstre fram, steget blir litt lettare og turane ut i det grøne litt lengre. Dette har vi lengta etter gjennom ein lang og uroleg vinter. No gler vi oss til å ønskje velkomen sommaren; dei vakre fargane i naturen og dei lange, lyse nettene fylde av håp og draumar. Repertoaret for konserten består av folketonar, spirituals, viser, poplåter og eit utval klassiske komposisjonar som gjenspeglar eit slikt vårleg håp. Konserten er eit forspel til det som skal kome.

Velkommen til «Prelude»!


Billettar kan kjøpast på Tikkio og i døra:
Vaksen 250,-
Student 200,-
Under 12 år gratis



Blandakoret Stemt har base i Volda og Ørsta og har fått mykje god omtale dei siste åra for sin presise klang og gode formidling. Siv Kristin Aurdal er dirigent og musikalsk leiar for koret. Ho har lang fartstid som dirigent og songpedagog og er også leiar for Volda gospelkor. Stemt vart skipa i 2015 og består i dag av over 30 dedikerte korsongarar med mykje, variert song- og musikkerfaring. Repertoaret er variert og framførast stort sett a capella. Gjennom rette arrangement og fokus på stemmeklang har Stemt landa sitt særeigne uttrykk.

I år har Stemt 10-årsjubileum! Det skal feirast stort med festkonsert i november. Denne vårkonserten blir slik også eit preludium til dette.


* Prelude blir også framført i Volda kyrkje 20.mai ( https://fb.me/e/4BASip0PS) og
Borgund Kyrkje 25.mai ( https://fb.me/e/2S8LUbBaD)

You may also like the following events from STEMT:

• This month, 25th May, 08:00 pm, Prelude med Stemt // Borgund Kyrkje in Ålesund