For aller første gong skal eg på juleturné!
Etter fleire år med hagekonsertar rundt omkring i landet, har eg besøkt bygder, byar, krikar og krokar og spelt for folk på uendeleg mange vakre plassar. Gardar på landet, små oasar i byen og sjarmerande perler ytterst i havgapet. På vegen har eg ofte tenkt: for ei stemning det hadde blitt å spelt julekonsert på slike stader!
Denne magien tek eg nå med meg inn i juletida, med turneen «Julekarusellen».
I løpet av det siste året har livet fått meg til å laga mine første julesongar. På konserten vil eg syngja om alle desemberkjenslene. Om forventningar og glede, men òg om alt som ikkje alltid blir heilt slik ein hadde tenkt.
Gjennom vintermørket tek eg med meg julemusikken heim til folk. Inn i låver, drivhus og samlingslokale der vertskapet får setja sitt preg på kvelden. Her skal me skapa julemagi saman, med musikk, lys, gløgg, pepperkaker og ekte heimelaga stemning.
Velkommen til Julekarusellen!
Klem frå Hilde
____________________________________________________________________
Praktisk informasjon
Dørene åpner: 18:00
Konsertstart: 19:30
Det blir salg av kaffi, kaker og brus etc. før konserten
Meir informasjon kjem i Facebook-arrangementet.
You may also like the following events from Hilde Selvikvåg:
