Fjord Cadenza // Ein Draum: Songar av Grieg og Schumann

Songar Bror Magnus Tødenes og pianist Olav Egge Brandal presenterer noko av den vakraste musikken skrive for song og piano.

Diktarkjærleik og kjærleikslengsel – komponistane Schumann og Grieg skreiv hjarteskjerande songar om liv og lengsel, inspirert av sine eigne liv og poesi. Konserten får namnet sitt frå Griegs song «Ein traum» – ein draum.

-----------------------

Den norske tenoren Bror Magnus Tødenes er vidt rekna som ein av Skandinavias mest evnerike klassiske songarar dei seinare åra. Han er frå Eiksund, lengst sør på Hareidlandet, og starta på musikklinja på Fagerlia vidaregåande skule i 2009 som gitarist. Det vart straks oppdaga at han hadde ei stemme heilt utanom det vanlege – som skulle ta han frå dei vestlandske fjordane til verdas fremste operascener.

Pianisten Olav Egge Brandal avslutta mastergraden ved Norges Musikkhøgskule i våren 2019. Gjennom karriera har han spelt konsertar med profilar som Bror Magnus Tødenes, Lise Fjeldstad og Bjarte Engeset. Med sistnemnde som dirigent var han solist i Griegs klaverkonsert med Symfoniorkesteret i Volda i 2018. Med den nye tenorstjerna Tødenes har han opptrådd regelmessig dei siste par åra, til fulle hus og flotte kritikkar. Han har fått ros for sitt kraftfulle og energiske pianospel.

Also check out other Music events in Ålesund, Entertainment events in Ålesund.