Նեղ պարանոցով մարդը

Պրոդյուսեր՝ Արփի Չոբանյան
Բեմադրիչ՝ Ալեն Կրիկյան
Դերակատար՝ Անի Շմավոնյան

Ներկայացումը ոգեշնչված է Ֆրանց Կաֆկայի օրագրերից և Դանիել Խարմսի անհատական ստեղծագործություններից։ Այն պատմում է ստեղծագործող մարդու ներքին պայքարի մասին՝ արվեստագետի, ով հայտնվել է խոր անձնական ճգնաժամի մեջ։ Փակված իր գիտակցության սահմաններում՝ նա փորձում է հասկանալ ինքն իրեն, իր շրջապատը և ստեղծագործելու իմաստը։ Ճանապարհորդելով սեփական մտքերի, վախերի և հուշերի լաբիրինթոսներով՝ հերոսը բախվում է իրականության և անհեթեթության խառնված աշխարհին, որտեղ սահմանի գիծը մշուշոտ է։
Այս ներկայացումը մենակության, ներսում փակվածության և ստեղծագործական ճգնաժամի մասին է․ այն մի փորձ է ուսումնասիրելու մարդու ներքին խառնաշփոթը, երբ բառերն ու գաղափարները այլևս չեն հնազանդվում, իսկ իրականությունը վերածվում է խորհրդավոր թատրոնի։

📍Մուտքն ազատ է: