«Մեր պարերը և մենք»-ը 20 տարեկան է 💜
****
Միջոցառումը բաց է, բայց քանի որ նստելու տեղերը սահմանափակ են, խնդրում ենք նախապես գրանցվել՝
https://forms.gle/zhLQFB5SjhNSJMCPA
****
Ամեն ամսվա վերջին ուրբաթ օրը, շարունակելով հիմնած ավանդույթները, «Կարին»-ը անցկացնում է «Մեր պարերը և մենք» խորագրով ազգային պարերի բաց դասը, որին մասնակցում են հազարավոր մարդիկ, այդ թվում՝ օտարերկրացիներ։ 20 տարի շարունակ լինելով ոգեղեն շարժման մեջ և ազգային պարերի կենսաշրջանն անխափան պահելու ազնիվ գործն իր ուսերին՝ քանի՜֊քանի՜ սերունդների համար այն եղել է ուղեկից հայ ինքնության վերագտնման բարդ ճանապարհին։
Այս տարի տոնում ենք ոչ թե ուղղակի 20-ամյակ, այլ հոգևոր, ազգային ու գաղափարական մի վերածնունդ, որ պատմում է վերելքներով ու վայրէջքներով լի մի ուղու մասին, և հենց այդ խոչընդոտներով լի ճանապարհի շնորհիվ էլ մեր ընթացքը դարձել է անհրաժեշտ, կենարար, անկոտրում ու ըմբոստ։
Միջոցառման բովանդակության մասին.
✨ 20 տարիների ամփոփում, որի շրջանակում կխոսենք այն կարևոր իրադարձությունների, անցքերի մասին, որոնց լինելիությունը այս 20 տարիների հոլովույթում անգնահատելի են։
✨ Շնորհակալագրերի հանձնում մեր ճանապարհին նշանակալի դեր ունեցած մարդկանց։
✨ 2025 թ.-ին «Կարին»-ի միջոցառումների, համերգների և այլ ծրագրերի ամփոփում։
✨ Առաջիկա ծրագրերի ներկայացում։ Կխոսենք այն միջոցառումների մասին, որոնք սպասվում են հաջորդ տարի, և որոնց իրականանալը նոր գույն է ավելացնելու մեր ազգային մշակույթի գունապնակին։
✨ «Կարին»-ի կայքի վերաթողարկում։ Երկար սպասված կայքը, որ մի կենսագրական շտեմարան է՝ Գագիկ Գինոսյանի, նրա հիմնած խմբերի և առհասարակ ազգային պարերի նորից կյանքի կոչման մասին, կրկին կթողարկվի։
✨ Ազգային պարերի բաց դաս Անգլիական այգում։ Որպես մեր միջոցառման և գեղեցիկ օրվա ավարտ՝ կիրականացնենք ազգային պարերի բաց դաս, որով կազդարարենք 2026 թ․-ի ազգային մուտքը։
Պարը շարժում է, իսկ շարժումը՝ պատմություն․․․․
Եկեք միասին պահպանենք ու տարածենք այն՝ լուսաբանելով և դարձնելով հանրությանը հասանելի։
📅 Դեկտեմբերի 27
📍 Բեստ Վեստեռն Կոնգրես հյուրանոց (1 Italy St, Yerevan)
⏰ 14:00-ից հյուրերի ժամանում, 14:30 մեկնարկ
🕔 17:00-ին ազգային պարերի բաց դաս Անգլիական այգում
