I intervjuet "Plukke plommer, byggje dikt" gjort av Frode Grytten på 1990-talet snakkar Jon Fosse om å ha lært av Olav H. Hauge at ein kan skriva om det enkle og nære, at det enkle og kvardagslege har ein intensitet og eit lys. Fosse seier også det var stort å sjå korleis Hauge i dikta sine brukte ein Hardanger-kultur som han kjende til, som han sjølv hadde vakse opp i. Stor poesi vart nær for Fosse, gjennom lesing av Hauge. Dei to snakkar også om det å skriva frå den staden ein er. At det rundt ein fargar det ein skriv.
Inspirert av dette intervjuet med dei to store diktarane frå Hardanger inviterer Haugesenteret i Ulvik og Sentralbadet i Odda til ei litterær samtale med forfattarane Ruth Lillegraven og Leander Djønne. Dei er oppvaksne på kvart sin kant av Hardangerfjorden. No er dei begge flytt heim att - og hardingar på fulltid.
Korleis fargelegg staden dei bur på skrivinga deira? Er dei inspirert av Fosse og Hauge, når dei talar om det enkle og det nære – den grå stille dagen? Skriv dei annleis no når dei er heime att? Plukkar dei plommer for så å skriva dikt etterpå? Korleis er no dette, sånn eigentleg?
Velkomen til ei litterær samtale om det skrivande livet i Hardanger.
Ruth Lillegraven (f.1978) er forfattar og poet. Sidan debuten i 2005 har ho vist seg som ein allsidig og produktiv forfattar, med både barnebøker, dikt og krim bak seg. Lillegraven fekk Brageprisen for diktsamlinga «Urd» i 2013 og Nynorsk litteraturpris for diktsamlinga «Sigd» i 2016.
Leander Djønne (f.1981) er forfattar og biletkunstnar. Han debuterte med boka «Oskespiralen» i 2022, ein debut som vart hylla av kritikarar og lesarar og som vann Lytternes romanpris same året. I år kjem andreboka «Alt et».
Arrangementet er i samarbeid med Sentralbadet litteraturhus i Odda.
You may also like the following events from Haugesenteret:
- This Friday, 12th September, 11:00 am, Lyrikkseminar: Norske og skandinaviske sonettar. Nedslag i ein tradisjon in Voss
- This Friday, 12th September, 06:00 pm, Kva e det med sonetten? in Voss
- Next month, 8th October, 06:00 pm, Lansering av boka Eple, pære og plomme. in Voss
Also check out other
Arts events in Voss,
Literary Art events in Voss.
|
