Velkommen til lansering av boka "Eple, pære, plomme" - Ein ny norsk pomologi over historiske og levande fruktsortar med røter i vår felles kulturarv.
Fruktdyrking har lange røter i norsk historie, og frå gamalt av har det vore dyrka eit rikt mangfald av ulike fruktsortar her i landet. For aller fyrste gong er dei heimlege sortane av eple, plommer og pærer samla i eit oppdatert praktverk.
Professor emeritus Finn Måge har skildra over 130 av sortar som har vore vanlege i norske frukthagar, med tilhøyrande kunstverk gjort av Hege Gjerde Sviggum. Boka er ei kjærleikserklæring til norsk fruktdyrking som både dokumenterer kunnskap som er i ferd med å forsvinna og inspirerer oss til å ta vare på dei gamle kulturarvssortane.
Skald Forlag gjer ut boka og inviterer til ein samtale med forfattar Finn Måge og illustratør Hege Gjerde Sviggum. Samtalen vert leia av Jorid Lekve Eide, arenaleiar i Haugesenteret.
Etter praten vil de få sjå og smaka på eit lite utval av historiske eplesortar frå Hardanger. Boka vil vere tilgjengeleg for sal og signering.
GRØNE EPLE
Sumaren var kald og regnfull.
Epli vart grøne og flekka av skurv.
Men eg plukkar og sorterar
og staplar kassane i kjellaren.
Grøne eple er betre enn inkje.
Bygdi ligg på 61° breidd.
Olav H. Hauge
Arrangementet er eit samarbeid mellom Skald forlag og Haugesenteret.
You may also like the following events from Haugesenteret:
|
