Det vert sagt at me menneske har fermentert kål i 8000 år. Sikre kjelder har ein ikkje, men denne enkle konserveringsforma med naturlege mjølkesyrebakteriar får fleire og fleire sikre kjelder på at fremmar tarmfloraen vår.
Det kjekke er også at fermenterte grønsaker smakar veldig godt, og at me kan fermentera i så mange variasjonar og variantar.
Kurshaldar Siv Raw har testa ulike blandingsforhold gjennom mange år og kome fram til nokre «klassikarar» i sin eigen produksjon. Desse har vorte ein fast del av kosthaldet, til kvardag og til fest. På dette kurset kan du no læra deg nokre av desse oppskriftene!
På kurset vil du få prøva deg på å laga ein variant av kimchi, ein salsa og fermentert rødløk. Kanskje er dette produkt som heile familien kan bli glad i?
Gjennom å fermenterta grønsaker kan ein oppbevara produkta ein lagar i fleire år, under tett lokk og kjøling lagring. Slik sett kan ein sjå på fermentering som ein bærekraftig matbonus i det som for mange er hektiske kvardagar. Det er jo kjekt å oppdaga gode smakar under lokk som du kan servera både til kvardagsmiddagen og til store fat på festbordet eller til korgafesten!
Vel møtt til ein inspirerande fermenteringsdag med Slow Food Hardanger og kurshaldar Siv Raw.
Siv Raw er utdanna adjunkt med tilleggsutdanning i mat og helse. Ho er også utdanna kokk og har drive eiga cateringverksemd eit par år. Ho starta med fermentering av grønsaker for nærare 20 år sida. I 2019 starta ho produksjon av sine eigne produkt som i dag er å få kjøpt hjå 9 ulike butikkar rundt Bergensområdet. Sjå meir på heimesida siwraw.no
Påmelding til
c2xvd2Zvb2RoYXJkYW5nZXIgfCBnbWFpbCAhIGNvbQ== . Det er eit begrensa antal plassar. Pris per person er 600 kroner. Kurset finn stad i raudebygningen på Hjeltnes. Alle som melder seg på må ha med seg 5 glas med lokk (som kan romma 1 liter eller litt meir).
Also check out other Festivals in Voss, Dance events in Voss, Entertainment events in Voss.
