Felefantomet frå Jølster kjem til Voss jazzklubb med båe kompisane sine og spelar ein konsert du ikkje vil la gå frå deg. Trioen er kjend for suggererande samspel som tar deg via verdsrommet, inn i kjernen av jorda og attende; pluss ei og anna vitjing på Apneseths heimtrakter i Sunnfjord. Alt du treng å gjera er å møta opp og ta i mot inntrykka. Dei har utgjeve fleire utmerka innspelingar, og gjer stor suksess på alle scenar dei vitjar – frå dei store jazzscenane i storbyane til dei små, intime lokala rundt om i bygde-Noreg.
Medverkande:
Erlend Apneseth - hardingfele
Stephan Meidell - gitar og effekter
Øyvind Hegg-Lunde - Trommer
