Det ligg an til ei nydeleg konsertoppleving på laurdagskvelden 27. september:
Pianist og komponist Øystein Skar (tidl. Highasakite) blir å finna ved flygelet.
For tida arbeider han med å utvikla nye soloverk som utforskar samspelet mellom akustiske og elektroniske uttrykk.
Hausten 2025 kjem EP-en Stories for A, eit djupt personleg prosjekt skrive for dottera hans.
Om Skar:
Han starta med klassiske pianotimar i seksårsalderen, og utvikla etter kvart ferdigheitene sine innan improvisasjon og komposisjon under rettleiing av mentoren sin, den legendariske ECM-pianisten Misha Alperin, ved Norges musikkhøgskole i Oslo, der han studerte jazz og improvisasjon.
Etter fullførte studiar turnerte og spelte han inn musikk med ulike prosjekt og band i fleire år, hovudsakleg innan jazz, samtidsmusikk og eksperimentell musikk, før han dreia fokuset sitt mot eksperimentell elektronisk musikk, pop og studioproduksjon.
Skar tilbrakte deretter over eit tiår i popindustrien, og turnerte verda rundt med det anerkjende bandet Highasakite.
Han mottok fleire Spellemannprisar og platinaplater. Han samarbeidde, turnerte og spelte inn musikk med popartistar som Aurora og Sigrid, samt sentrale jazzmusikarar som Jon Eberson.
Med Highasakite selde han ut Oslo Spektrum, spelte på Nobels fredspriskonsert og turnerte saman med band som Of Monsters and Men og London Grammar.
Arbeidet hans har inkludert både nasjonale og internasjonale prosjekt, og han har medverka på over 40 utgjevingar.
I 2023 var Øystein oppvarmingsartist for den nederlandske pianisten Joep Beving i Oslo, i samarbeid med Live Nation.
Året etter gav han ut albumet Hem, som tyder «heim» på hans lokale dialekt, på det kanadiske plateselskapet Moderna Records. Albumet markerer hans debut som solopianist under eige namn. Hem fekk strålande omtale i internasjonal presse, og utgjevinga blei følgd opp med konsertar og intervju, mellom anna på tyske Radio Eins og Deutschlandfunk Kultur.
Albumet fekk òg mykje internasjonal speletid på radio, med omtale på kjende stasjonar som KEXP (USA), ByteFM (Tyskland) og Radio Canada. Utgjevinga blei feira med konsert i Den Norske Opera & Ballett.
Som komponist har Øystein samarbeidd med mange av Noregs leiande dans- og teaterkompani, laga musikk for TV og komponert ei rekkje bestillingsverk. Han har motteke fleire stipend og prisar i Noreg for arbeidet sitt.
You may also like the following events from Kunsthuset Kabuso:
Also check out other
Music events in Voss,
Entertainment events in Voss,
Concerts in Voss.
|
