Program:
11.00: Gudsteneste i St. Jetmund kyrkje på Åheim
11.45: Gjermund Rekkedal fortel om St. Jetmundkyrkja
12.10: Privatbilar til Kjøde grendehus
12.30 – 15.00: Historisk vandring på Kongevegen over Mannseidet frå Enerhaugen
15.00: Transport frå Eide i Moldefjorden til Selje prestegard. Skyss til Kjøde grendehus for å hente bilar som står der.
15.30: Besøk på pilegrimssenteret i Selje prestegard
16.00: Gudsteneste og kyrkjekaffi i Selje kyrkje
17.00: Retur til Åheim med privatbilar
Selje regionale pilegrimssenter arrangerer saman med sokneråda i Vanylven og Selje ein felles pilegrimstur frå Åheim til Selje. Vi vandrar langs den gamle Kongevegen over Mannseidet mellom Kjøde og Moldefjorden. Programmet startar med ei gudsteneste og omvising i St. Jetumnd kyrkje på Åheim, før vi køyrer til Kjøde grendehus og går langs Kongevegen frå Kjøde til Moldefjorden. Vi får høyre historier om Kongevegen undervegs. Deretter køyrer vi til Selje prestegard for ei omvising på pilegrimssenteret, og til gudsteneste og kyrkjekaffi i Selje kyrkje.
Vegen over Mannseidet har vore brukt både av pilegrimar og andre som ville unngå det farlege Stadhavet. Vegen bandt saman klosteret på Selja og St. jetmundkyrkja på Åheim. Tre dansk-norske kongar reiste her med store følgje på 16- og 1700-talet, og vegen har difor blitt kalla Kongevegen. Vegen er blant dei eldste opparbeidde vegane på Vestlandet, I dag er vegen merka som turveg.
7. september var tidlegare ein viktig merkedag, då helgenskrinet med Sta. Sunniva sine relikviar vart flytta frå Selja til biskekyrkja i Bergen i 1170. Vi markerer dagen med ei historisk vandring til Selje.
Programmet er ope for alle, og utan påmelding. Vi tar atterhald for dårleg ver. Hugs uansett gode sko, turtøy og niste.
Velkommen!
|
