Vi har den gleda å invitere deg til Musikkafé.
Vi gler oss til besøk av Øyvind Lied.
Øyvind er godt kjend i vårt lokalsamfunn og han omtalar seg sjølv som ein godt vaksen vokalist, tangentist, låtskrivar, komponist, produsent og dirigent. Det seier litt om breidda Øyvind kan by på.
Lokalt er kanskje er Øyvind mest kjend som primus motor for gruppa Merkesteinane. I tillegg har han i mange år dirigert lokale kor i Volda, Ørsta og i nabofylket Vestland.
Øyvind har også ei lang karriere som aktiv musikant i mange band.
Øyvind drog også i gong ein lokal variant av “Salmar på Pub” i samband med arrangementet Øyralangs. Dette vart gjennomført på Tredet til stor entusiasme frå dei frammøtte. På musikkafeen vil vi få oppleve litt av dette konseptet i tillegg til at Øyvind har eigne solistinnslag.
Vi serverer som vanleg gode kaker, smørbrød, sveler, god kaffi og te med mere.
Vi håpar at så mange som mogleg set av denne laurdagsettermiddagen til ei god stund med nydeleg song og musikk, blanda med god mat og prat.
Vår tanke og vårt ønskje er at du som gjest skal få ei hyggeleg stund: treffe andre, ta ein kopp kaffi og eit kakestykke – samtidig som du opplever musikalske og kulturelle innslag.
Musikkaféen er open i to timar, og du kan koma og gå som det måtte passe deg.
You may also like the following events from Pinsekyrkja i Volda:
Also check out other
Music events in Volda,
Entertainment events in Volda.
