JULEKORPØBB // 5.DESEMBER // STØDT BAR & SCENE

«Julekorpøbb» på Stødt.

Likar du julestemning og julemusikk?
Fredag 5.desember inviterer Ervingen blandakor til «julekorpøbb» og songglede med «noko attåt» på Stødt Bar og Scene.

Var du på korpøbb med Ervingen blandakor 12.september?
Vi fekk svært mange positive tilbakemeldingar om at dette måtte vi arrangere igjen. Folk kosa seg veldig. No skjer det. Ervingen blandakor, med dirigent Øyvind Lied, ynskjer å samle flest mogleg songglade folk på Stødt Bar og Scene frå kl. 20 – 23 denne fredagen før jul.

Denne gongen vert det lett underhaldning med fokus på julemusikk. Vi har med allsong, eit par-tre nummer av Ervingen blandakor og innøving av to fellesnummer med fleirstemt song. Naturlegvis vert det pauser til sosial prat og til å handle frå baren.

Innøvinga av fellesnummer vil Øyvind Lied på tangentar, Børre Lødemel på gitar og medlemer i koret ta seg av. Her syng eller nynnar alle med den stemme ein har. Målet er som sist songglede og positiv energi for alle. Fellesnummera som skal øvast inn denne gongen er Vi tenner våre lykter (Bjørn Rønningen) og Winter wonderland (D.Smith/F.Bernard).

Desse to songane skal naturlegvis framførast som ein liten konsert mot slutten av kvelden. Vi håper alle som var på korpøbb sist og enda fleire som likar å synge kjem på «julekorpøbb» fredag 5.desember. Få med deg partnaren, naboen, vennegjengen eller kollegaen denne førjulskvelden og få opp julestemninga. Billettar får du kjøpt med vipps i døra når du kjem. Velkomen!

Dørene opnar kl. 18
Arrangementstart kl. 20

Billettar i døra
ID: 20+

You may also like the following events from Stødt Bar&Scene:

• Next month, 26th December, 09:00 pm, 2.DAGSPARTY - 26.DES // DJ JIM GRIM // STØDT BAR & SCENE in Volda
• Next month, 28th December, 09:00 pm, ROMJULSPARTY MED PINEAPPLE EXPRESS // 4.JULEDAG | 28.DES // STØDT BAR & SCENE in Volda
• Next month, 31st December, 09:00 pm, NYTTÅRSPARTY 2025 // DISCJOKKE // STØDT BAR & SCENE in Volda

Also check out other Concerts in Volda.