Hinn mjög svo goðsagnakenndi söngvari Bergsveinn Arilíusson, Beggi í Sóldögg, er Eyjamönnum kunnugur eftir hátt í 30 ár af heimsóknum á Eyjuna fögru. Hann hendir nú Sögustund / tónleika 20. september nk. á Háaloftinu og verður engu til sparað.
Ferill hans spannar nú yfir 36 ár.
Alveg frá því að hann ásamt nokkrum villingum í Breiðholti stofnuðu rappsveit 1988, yfir í The Commitments uppfærslu Fjölbrautarskólans í Breiðholti í Sóldögg, sólóferil, Vini Vors og Blóma og Papana svo fátt eitt sé nefnt. Við erum að tala um 36 ár á böllum, tónleikum, uppfærslum og athöfnum, 130 gigg á ári með Sóldögg fyrir aldamót….
Á Kvöldstund með Begga í Sóldögg fer Bergsveinn yfir ferilinn og flytur öll sín bestu… og næst bestu lög, fer yfir áhrifavalda og rifjar upp sögur af skemmtilegum meðreiðarsveinum af vígvellinum , endalausum sveitaballahringferðum og tónleikaferðum út um allar trissur.
Einlægir og skemmtilegir tónleikar sem þú mátt ekki missa af.
Söngur og sögumaður : Beggi í Sóldögg
Gítar og raddir : Gunnar þór Jónsson
Bassi, Kontrabassi : Jón Ómar Erlingsson
Slagverk og raddir : Eysteinn Eysteinsson
Húsið opnar 20.00 og tónleikar hefjast 21.00. Miðaverð er 7.990 kr og fer miðasala fram hér:
https://tix.is/event/19825/kvoldstund-med-begga-i-soldogg-i-eyjum
Ath. Tónleikar kunna að verða færðir niður í Höll v/aðsóknar.
