ﺑﺎﻟﻨﺴﺒﺔ ﻟﻠﻨﺎﺱ ﺇﻟﻲ ﺗﺤﺐ ﺗﻔﻬﻢ ﺷﻨﻴﺔ ﺣﻜﺎﻳﺔ ﺍﻟﻠﻌﺒﺔ ﺍﻟﺠﺪﻳﺪﺓ "Pokemon GO" ﺇﻟﻲ ﻋﻤﻠﺖ ﺍﻟﺒﻮﺯ ﻓﻲ ﺍﻟﻌﺎﻟﻢ ﻛﺎﻣﻞ ﻃﻴﻠﺔ ﺍﻟﺨﻤﺲ ﺃﻳﺎﻡ ﺍﻟﻔﺎﺭﻃﺔ. ﻫﺬﺍ ﺍﻟﺴﺘﺎﺗﻮ ﻳﻨﺠﻢ ﻳﻌﺎﻭﻥ:
ﻗﺒﻞ ﻣﺎ ﻧﻔﺴﺮﻭ ﺍﻟﻠﻌﺒﺔ ﻳﻠﺰﻡ ﺗﻌﺮﻓﻮﺍ ﺇﻟﻲ ﺷﺮﻛﺔ ﻧﻴﻨﺘﺎﻧﺪﻭ ﺣﻘﻘﺖ ﺃﺭﺑﺎﺡ ﺧﻴﺎﻟﻴﺔ ﺑﻘﻴﻤﺔ 7 ﻣﻠﻴﺎﺭ ﺩﻭﻻﺭ ﻓﻲ ﺍﻟﺒﻮﺭﺻﺔ ﻧﻬﺎﺭﻳﻦ ﻓﻘﻂ ﺑﻌﺪ ﺇﺻﺪﺍﺭ ﺍﻟﻠﻌﺒﺔ.
ﺑﺎﻟﻨﺴﺒﺔ ﻟلي ﻣﺎ ﻳﻌﺮﻓﺶ ﺁﺵ ﻣﻌﻨﺎﻫﺎ "ﺑﻮﻛﻴﻤﻮﻥ"، ﻫﻮ ﻓﻲ ﺍﻷﺻﻞ ﻓﻜﺮﺓ ﻣﺘﻊ ﺃﻟﻌﺎﺏ ﻓﻴﺪﻳﻮ ﺃﻧﺘﺠﺘﻬﺎ ﺷﺮﻛﺔ ﻧﻴﻨﺘﺎﻧﺪﻭ ﺍﻟﻴﺎﺑﺎﻧﻴﺔ ﺳﻨﺔ 1996 ﻭ ﺍﻟﺒﻮﻛﻴﻤﻮﻥ ﻫﻮ ﻋﺒﺎﺭﺓ ﻋﻠﻰ ﻣﺨﻠﻮﻕ ﻋﺠﻴﺐ ﺧﻴﺎﻟﻲ ﺗﻨﺠﻢ ﺗﺸﺪﻭ ﻭ ﺗﺪﺭﺑﻮ ﻋﻠﻰ ﺍﻟﻘﺘﺎﻝ ﻭ ﺗﺪﺧﻞ ﺑﻴﻪ ﻓﻲ ﻣﻌﺮﻛﺔ ﻣﻊ ﺃﺻﺪﻗﺎﺋﻚ ﺍﻟﻲ ﻫﻮﻣﺎ ﺑﻴﺪﻳﻬﻢ ﻋﻨﺪﻫﻢ ﻣﺠﻤﻮﻋﺔ ﻣﻦ ﺍﻟﺒﻮﻛﻴﻤﻮﻧﺎﺕ.
ﺍﻟﻠﻌﺒﺔ ﻫﺬﻱ ﺍﻟﺠﺪﻳﺪﺓ "ﺑﻮﻛﻴﻤﻮﻥ ﻗﻮ" ﺗﻨﺠﻢ ﺗﻠﻌﺒﻬﺎ ﻓﻘﻂ ﺑﺎﻟﻬﺎﺗﻒ (smartphone) ﻭ ﻻﺯﻣﻚ ﺗﻜﻮﻥ ﻣﺘﺼﻞ ﺑﺎﻻﻧﺘﺮﻧﻴﺖ ﺑﺸﻜﻞ ﺟﻴﺪ ﻭ ﻳﻠﺰﻡ ﻳﻜﻮﻥ ﻋﻨﺪﻙ ﺍﻟﺠﻲ ﺑﻲ ﺁﺱ ﻣﺤﻠﻮﻝ (GPS) ﺑﺎﺵ ﻳﻌﺮﻑ ﻣﻮﻗﻌﻚ ﺑﺎﻟﻀﺒﻂ. ﺑﻌﺪ ﻣﺎ ﺗﻬﺒﻂ ﺍﻟﻠﻌﺒﺔ ﻭ ﺗﺤﻄﻬﺎ ﻋﻠﻰ ﺗﻠﻴﻔﻮﻧﻚ ﻳﻠﺰﻣﻚ ﺗﻌﻤﻞ ﻛﻮﻧﺖ ﺧﺎﺹ ﻭ ﺗﺒﺪﺍ ﺗﻠﻌﺐ.
ﺃﻭﻝ ﻣﺎ ﺗﺒﺪﺍ ﺗﻠﻘﺎ ﻓﻲ ﺍﻹﻳﻜﺮﻭﻥ ﻣﺘﺎﻋﻚ ﺧﺮﻳﻄﺔ ﻣﻌﺪﻟﺔ ﻟﻠﺒﻼﺻﺔ ﺇﻟﻲ ﺍﻧﺘﻲ ﻓﻴﻬﺎ ﺑﺎﻟﻔﻌﻞ (ﻛﻴﻒ ﻣﺎ ﻗﻮﻗﻞ ﻣﺎﺑﺲ google maps) ﻭ ﻳﻠﺰﻣﻚ ﺗﺒﺪﺍ ﺗﻤﺸﻲ ﻭ ﺗﺘﺤﺮﻙ ﻭ ﺗﺸﻮﻑ ﺭﻭﺣﻚ ﻓﻲ ﺍﻻﻳﻜﺮﻭﻥ ﻛﻴﻔﺎﺵ ﻣﻜﺎﻧﻚ ﻗﺎﻋﺪ ﻳﺘﻐﻴﺮ ﻭ ﻓﺠﺄﺓ....
ﻓﺠﺄﺓ ﺍﻟﺘﻠﻴﻔﻮﻥ ﻳﻔﻴﺒﺮﻱ ﻭ ﻳﻮﺭﻳﻚ ﻓﻲ ﺍﻻﻳﻜﺮﻭﻥ ﺍﻟﻲ ﺛﻤﺔ ﺑﺤﺬﺍﻙ "ﺑﻮﻛﻴﻤﻮﻥ"، ﺗﻤﺸﻲ ﻭﻳﻦ ﻗﻠﻚ ﻭ ﺗﻜﻠﻴﻜﻲ ﻋﻠﻴﻪ ﻭﻗﺘﻬﺎ ﺗﺘﺤﻞ ﺍﻟﻜﺎﻣﻴﺮﺍ ﻣﺘﺎﻋﻚ ﻭ ﺗﺸﻮﻑ ﺑﻮﻛﻴﻤﻮﻥ ﻓﻲ ﺍﻟﻜﺎﻣﻴﺮﺍ ﻓﻲ ﺑﻴﺖ ﺍﻟﺼﺎﻟﺔ ﻣﺘﺎﻋﻚ ﺃﻭ ﻓﻲ ﺍﻟﻜﺮﻫﺒﺔ ﺃﻭ ﻓﻲ ﺍﻟﺒﻴﺮﻭ ﺃﻭ ﻓﻲ ﺍﻟﻜﻴﺎﺱ ﺃﻭ ﺣﺘﻰ ﻓﻮﻕ ﺭﺍﺱ ﺻﺎﺣﺒﺘﻚ ﻓﻲ ﺍﻟﻘﻬﻮﺓ ﻭ ﻳﻠﺰﻣﻚ ﺗﺮﻣﻲ ﻋﻠﻴﻪ ﺍﻟﺒﻮﻛﻲ ﺑﺎﻝ "poké ball" ﻭ ﺗﺸﺪﻭﺍ ﻭ ﻳﻮﻟﻲ ﻣﺘﺎﻋﻚ ﻭ ﺗﻮﺍﺻﻞ ﻛﻴﻒ ﺍﻟﻤﻬﺒﻮﻝ ﻓﻲ ﺍﻟﺸﻮﺍﺭﻉ ﺗﺠﺮﻱ ﻭ ﺗﺠﺮﻱ ﺗﻠﻮﺝ ﻋﻠﻰ ﻣﺨﻠﻮﻗﺎﺕ ﻫﻼﻣﻴﺔ ﻏﻴﺮ ﻣﻮﺟﻮﺩﺓ ﻓﻌﻠﻴﺎ ﻭ ﻟﻜﻦ ﺍﻧﺖ ﺗﺸﻮﻑ ﻓﻴﻬﺎ ﻓﻲ ﺗﻠﻴﻔﻮﻧﻚ ﻓﻲ ﺍﻟﻜﺎﻣﻴﺮﺍ ﻣﺘﺎﻋﻚ.
ﻃﺒﻌﺎ ﺍﻟﺤﻜﺎﻳﺔ ﻣﺎ ﺗﺎﻗﻔﺶ ﻏﺎﺩﻱ، ﻓﻤﺔ ﺑﻌﺾ ﺍﻷﻣﺎﻛﻦ ﺍﻟﺨﺎﺻﺔ ﺍﻟﻲ ﻓﻴﻬﺎ ﺑﻌﺾ ﺍﻟﻬﺪﺍﻳﺎ ﺗﺘﺴﻤﻰ "pokestop" ﻛﻴﻒ ﻣﺎ ﺻﻨﺒﺔ ﺍﺑﻦ ﺧﻠﺪﻭﻥ ﻭ ﺃﻭﺗﻴﻞ ﺍﻷﻛﺮﻭﺑﻮﻝ ﻓﻲ ﺍﻟﺒﺤﻴﺮﺓ ﻳﻠﺰﻣﻚ ﺗﻤﺸﻲ ﺑﺤﺬﺍﻫﻢ ﻭ ﺗﺎﺧﻮ ﺁﺵ ﻻﺯﻣﻚ ﻭ ﻓﻤﺔ ﺯﺍﺩﺓ ﺃﻣﺎﻛﻦ ﺧﺎﺻﺔ ﻟﺘﺪﺭﻳﺐ ﺍﻟﺒﻮﻛﻴﻤﻮﻧﺎﺕ ﺗﺘﺴﻤﻰ "Gym" ﻛﻴﻒ ﻣﺎ ﻓﻲ ﻣﻄﺎﺭ ﺗﻮﻧﺲ ﻗﺮﻃﺎﺝ ﺃﻭ ﺍﻟﺮﻧﺒﻮﺍﻥ ﻣﺘﻊ ﺍﻟﺒﺤﻴﺮﺓ ﻗﺪﺍﻡ ﻗﺮﻃﺎﺝ ﻻﻧﺪ ﻭ ﻏﺎﺩﻱ ﺗﺘﻘﺎﺑﻞ ﺍﻧﺖ ﻭ ﺻﺤﺎﺑﻚ ﻭ ﺗﺘﻌﺎﺭﻛﻮ ﺑﺎﻟﺒﻮﻛﻴﻤﻮﻧﺎﺕ ﻭ ﺭﺑﻲ ﻳﻠﻄﻒ ﺑﻴﻨﺎ ﻭ ﺑﻴﻜﻢ.
ﻃﺒﻌﺎ ﺃﻣﺎﻛﻦ ﺗﻮﺍﺟﺪ ﺍﻟﺒﻮﻛﻴﻤﻮﻧﺎﺕ ﻣﺸﺘﺮﻛﺔ ﺑﻴﻦ ﻛﻞ ﺍﻟﻼﻋﺒﻴﻦ ﻓﻲ ﺍﻟﻌﺎﻟﻢ ﻣﻌﻨﺎﻫﺎ ﺇﺫﺍ ﻓﻤﺔ ﺑﻮﻛﻴﻤﻮﻥ ﻓﻲ ﺷﺎﺭﻉ ﺑﻮﺭﻗﻴﺒﺔ ﺑﺤﺬﺍ ﺑﺎﻧﻮﺭﺍﻣﺎ، ﺍﻟﻨﺎﺱ ﺍﻟﻜﻞ ﺇﻟﻲ ﻣﻮﺟﻮﺩﺓ ﻏﺎﺩﻱ ﻭ ﻋﻨﺪﻫﺎ ﺍﻟﻠﻌﺒﺔ ﻫﺬﻱ ﺑﺶ ﺗﺸﻮﻓﻮﺍ ﻭ ﺗﻨﺠﻤﻮﺍ ﺗﺘﻌﺎﺭﻛﻮﺍ ﻋﻠﻴﻪ ﻭ ﺗﺘﻀﺎﺭﺑﻮﺍ .
وسايسو رواحكم برك هههههه
