Шар Планина знае да не ни дозволи да го качиме на некој врв, ама знае и да ни прикаже што значи бајка во живо. Годинава прогнозата е (барем сега за сега) фантастична, па пак со пријателите од Петрикор од Скопје и Поларис од Куманово одлучивме веќе традиционално пак да го посетиме овој импресивен, иако не често посетуван врв. Сепак, мора да се каже дека во последно време се поинтересен за пошироката планинарска популација.
Се работи за врв во близина на многу попознатата Кобилица и во истата серија на тој низ на врвови, и се работи за највисокиот од тие три-четири врва во ред. Искачувањето ќе го започнеме од село Вешала и по од прилика седум километри и скоро 1350 искачени метри надморска височина, ќе го искачиме и овој врв и со вкупната патека е во должина од околу 15 километри.
Патеката почнува од селото Вешала, преку Ворес и Луги е кулас до Штрунга и потоа на Малиот Вртоп, па потоа на Вртоп со целите 2.555 метри надморска височина.
Доколку, ако ни дозволи Шар Планина, после Вртоп ќе го посетиме преку Царево Гумно и Шилиџе (Шеличе) со височина од 2.473 метри височина. Мора да се спомене дека се работи за кружна тура иако се поаѓа и се завршува на исто место.
Се работи за патека со средна тежина, ама по карактеристиките е тешка и захтевна патека. Многу слична на патеката за Кобилица со слична должина и висинска разлика.
Значи не чека добро искачување. 🙂
Од опрема, пожелно е да се носи комплетна опрема за овој период од годината.
Временската прогноза е дека времето ќе биде идеално за планинарење, што значи на врвот од минус два до четири степени ама сончево. Само да споменам дека ова е долгорочна прогноза и сеуште немам точно податоци.
Се надеваме дека ќе се погоди прогнозата, ама бидете спремни за се. Шара знае да изненади, како позитивно, така и непријатно, па бидете спремни за секакви временски услови.
Значи бидете спремни за се, од сончево време, па се до снежна виулица како пред некоја година кога ја прекинавме акцијата поради лошото време. Значи од маичка, па се до јакна за дожд и снег.
Длабоки удобни планинарски чизми се подразбираат, а стапчиња се по желба и потреба. Исто така, пожелно е да се земе и челна или рачна ламба, сепак денот е краток, па може да не понесе уживањето и да не фати мрак при враќање.
Храната ќе биде од ранец, а вода е потребно да се носи барем литар и пол + со себе. Последниот извор/чешма е на првата третина од стазата, а напорот при искачувањето е голем.
Тргањето би било од пред домот на културата во шест часот, превозот би бил во зависност од бројката на пријавените и би се движел околу 500 денари (точната цена накнадно би ви ја јавил).
Да не заборавиме дека тоа сабајле се менува часот, па ориентирајте се по променетото време.
Би ги замолил заинтересираните да ме информираат до петок вечерта 07.11. за да можеме навремено да организираме превоз.
Дружењето после искачување во кафана, слаткарница или пивница по желба. 🙂
Само ќе морам уште еднаш да напоменам, стазата е кратка и тешка, за многу малку должина се искачува значајна висина, така да би замолил тие што ќе се пријават да бидат во одлична физичка и психичка форма. Ве молам да не се преценувате, нити да се подценувате. Само вие точно можете да си ја процените вашата психичка и физичка сила. Пак ќе нагласам дека се работи за кружна тура и не се враќаме по иста патека. Само почетокот и крајот на турата е на исто место.
Контакт телефони:
Алекс ✆ 070-382 751 (за Скопје);
Владе ✆ 070-523 400 (за Тетово);
Боби ✆ 076-533 300 (за Куманово)
НАПОМЕНА:
- Секој учесник е должен да ги почитува правилата и насоките на организаторот и водичите, во спротивно сам е одговорен за несаканите последици;
- Наведените планинарски акции се организирани и движењето се одвива во група предводена од организаторот и водичите.
- Организаторот и водичите имаат право да исклучат член пред стартот на планинарската акција доколку не ги исполнува наведените услови и не ја поседува соодветната планинарска опрема за предвидената планинарска акција.
- Секој учесник може да биде исклучен од групата поради недолично однесување.
- Организаторот и водичите го задржуваат правото на измени на термините и редоследот на акцијата во зависност од временските услови и останатите технички препреки
