Hvør tekur sær av leiðaranum - meðan leiðarin tekur sær av starvsfólkunum?

Limir kr. 900 - onnur kr. 2.000 Rinda skeiðsgjald á Konto 9181-5072230
Mentor.fo setir trivnað hjá leiðarum á breddan. Tað er Lill Palmblad, vinnusálarfrøðingur og høvundur til bókina Hvem passer på chefen?, sum skipar og leiðir evnisdagin. TEKNA TEG: YmFyYmFyYSB8IG1lbnRvciAhIGZv

Leiðsla er eitt arbeiðsumhvørvi við høgum váða, merkt bæði av strongd og eldhuga – og trivnaður hjá leiðarum hevur beinleiðis ávirkan á úrslitini og á tað góða arbeiðslívið, bæði hjá leiðarum og starvsfólki, men vit tosa ov lítið um tað! Lill setur orð á tað serstaka við leiðarastarvinum og vísir á, hvat vit kunnu gera fyri at leiðarar kunnu trívast.

Endamálið við evnisdegnum er at skapa eitt felags mál um trivnað og arbeiðsumhvørvið hjá leiðarum og at geva íblástur og hugskot til víðari arbeiði á tykkara arbeiðsplássum, í leiðslutoymum og í mentortilgongdum.

Dagurin verður skipaður við einari blanding av uppleggum, virknari luttøku og venjingum – kom og ver við!