Vegurin bjóðar til ráðstevnuna GEV RÚM! ‘25
Ráðstevnan byggir uppundir ta kirkjufatan, at profeta- og apostlatænastan, sambært skriftini, hevur sítt pláss í kirkjuni enn í dag. Jesus gav, og gevur framvegis, kristnu kirkjuni tænastugávur. Undir felagsheitinum "tann fimmfaldaða tænastan", kenna vit hesar tænastur, sum lærarar, evangelistar, profetar, hirðar og ápostlar. Fyri at kristna kirkjan skal vera fullfør, at virka í kraft og ríkið Guds kann ganga fram, eiga allar hesar tænastur at virka saman. Vit vilja kalla fram ta fimm faldaðu tænastuna í Føroyum, viðurkenna tænastur hjá hvør øðrum, og kalla hesar tænasturnar heim og til einleika sum eina tænastu.
Vit bjóða tær til eitt spennandi og læruríkt vikuskifti við lovsangi, undirvísing og forbønartænastu, har vit geva rúm fyri, at Heilagi Andin talar og virkar frítt við sínum gávum. Á ráðstevnuni virkar eitt tænastutoymi, sum ávikavist fer at undirvísa og tæna profetiskt umframt at hava smærri verkstøð innan sína tænastu. Tú velur í tilmeldingini, á hvørjum verkstaði, tú ynskir at luttaka. Okkara vinir frá School of Revival í Týsklandi luttaka eisini við forbønartænastu og profetiskum básum.
Til ung 14-18 ár, fulltíðar lesandi og tey, sum standa í læru, hava vit ein serprís fyri einans 350 kr.
——
Praktisk kunning.
-Stað: Bygdarhúsið í Miðvági.
-Kostnaður: 500 kr, íroknað mat og drekka. 14-18 ár, lesandi ella í læru 350 kr
-Tilmelding á leinki:
https://forms.gle/VL1FBy5VbmtbefUM7
-Tilmeldingarfreist: 10. november.
-Gisting: Vit vísa til nýumvælda Hotel Vágar sum júst nú bjóðar bíliga gisting (lágárstíð). Eisini eru hópin av gistingarmøguleikum á booking og Airbnb á oynni.
——
Skrá:
Fríggjadagur
15.00 Vælkomin og innskriving
16.00 Uppstartur, Vinjard Magnussen og Steinar Lofnes
18:00 Nátturði
19.30 Teologisk uppgerð, Ronald Gabrielsen.
21.00 Drekkamunnur og felagsskapur
Leygardagur
10.00 Týdningurin av viðurkenning og Hvussu viðurkennast tænastugávurnar? Fredrik Skoglund og Steinar Lofnes.
12:00 Steðgur og miðmáli
13:00 Vit fara Djúpari (verkstøð):
•Apostlatænastan: Steinar Lofnes og Dag Rane Skjellerup
•Hirðatænastan: Fredrik Skoglund og Niels Petur Fagrberg
•Profetatænastan: Per Ivar Winnæs
•Evangelisttænastan: Svein Nordvik
•Læraratænastan: Ronald Gabrielsen
14:30 Steðgur
15:00 Pallborð, einleiki millum tænastur
16:00 Steðgur, drekka og profetiskir básar
18:00 Døgurði
19:30 Vit geva rúm!
22:00 Drekkamunnur og felagsskapur
Sunnudagur:
11:00 Almenn gudstænasta við Niels Peturi Fagraberg og Fredrik Skoglund
