Ein hyllest til friheit, fantasi og å vere seg sjølv!
Pippi Langstrømpe er ni år, sterkast i verda og bur aleine i det rare, skeive huset Villa Villekulla. Saman med venene Tommy og Annika, apen Herr Nilsson, og hesten Lilla Gubben, kastar ho seg ut i ville påfunn, sjørøvarleik og uventa møter med både politi og tjuvar.
Bak Pippi sine rare påfunn, styrke og språk, ligg historia om ei jente som saknar foreldra sine, men som likevel finn måtar å stå støtt på. Ho viser oss at mot kan vere å seie ifra, å tøre å prøve noko nytt, eller å invitere nokon inn i leiken. Pippi minner oss på at styrke kan ha mange former, og at fantasi og eit ope hjarte kan vere dei største superkreftene av alle.
Historia om Pippi Langstrømpe er ein av Astrid Lindgren sine største suksessar og vart hennar litterære gjennombrot. Sidan 1945 har ho gleda og inspirert generasjon på generasjon, og i Lindgren sitt univers vart Pippi eit ikonisk symbol og ein karakter som utfordra etablerte normer for korleis barn burde vere.
I Teatret Vårt sin versjon er Pippi fortsatt like sterk, rampete og modig som alltid. Ho tør å gå sine eigne vegar, utfordrar forventningar og minner oss på at det er lov å vere akkurat den ein er. Med Pippi i nærleiken blir ingen dag lik! Forestillinga sprudlar av musikk, humor, varme og energi. Ei fantasirik oppleving for heile familien, full av latter, eventyr og varme.
Bli med til Villa Villekulla og opplev Pippi på sitt mest modige, rampete og fantastiske!
Passar frå 4 år.
You may also like the following events from Storfjord Kulturhus:
- Next Thursday, 4th December, 06:00 pm, Grand Kyiv Ballet - Snødronninga in Stryn
- Next month, 28th December, 08:00 pm, The Feelgood Orchestra in Stryn
- Happening on, 24th January, 07:00 pm, Koht, håp og glede in Stryn
