Legally blonde

Dette skuleåret set elevar på Musikk, dans, drama på Firda vg. skule opp musikalen Legally blonde, - eller Lovleg blond som den heiter på norsk. Opprinneleg er dette ein film frå 2001 basert på ei bok av Amanda Brown. Tekst og musikk til musikalen er av Laurence O’Keefe og Nell Benjamin. Manus er ved Heather Hach, og Christoffer Paulsen har omsett det til norsk. Musikalen hadde premiere i USA i 2007.

Hovudpersonen i musikalen er Elle Woods. Ho drøymer om å gifte seg med kjekkasen Warner Huntington III. Han har ambisjonar om å gå på det prestisjetunge universitetet Harvard for seinare å gjere politisk karriere. Han tykkjer ikkje at Elle passar heilt inn i dette framtidsbiletet og dumpar ho. Elle bestemmer seg for å kjempe for kjærleiken og vinne Warner tilbake. For å oppnå dette må ho også kvalifisere seg til Harvard, noko ho gjer etter krevjande studiar. På Harvard møter ho nye utfordringar og ho må gong på gong kjempe mot stereotypiar og fordommar i jakta på draumemannen. Vi kan røpe så mykje at ho gjennom kløkt, hardt arbeid og eigne erfaringar til slutt lukkast i jusstudiane og finn kjærleiken.

Dette er ein humoristisk og hjartevarm musikal, full av fengande musikk og raske sceneskift. Her blir det energi, dans og show frå første sekund. Musikalen passar for alle, så det er berre å sikre seg billett!

You may also like the following events from Trivselshagen:

• Next Wednesday, 28th January, 11:30 am, Senioruniversitetet: Sigrid Moldestad in Stryn
• Next month, 14th February, 04:00 pm, Legally blonde in Stryn
• Next month, 25th February, 07:00 pm, Harm & Hegseth – 10 år! // Trivselshagen // pres. av All Things Live in Stryn

Also check out other Entertainment events in Stryn, Performances in Stryn, Arts events in Stryn.