Korleis kan kunstig intelligens hjelpe oss å spare tid og jobbe smartare? Denne workshopen gir ei praktisk innføring i bruk av ChatGPT og liknande verktøy – frå dei første enkle tipsa til meir avanserte metodar.
Vi ser på korleis AI kan effektivisere oppgåver som søknadsskriving, rapportering, tekstproduksjon, nyheitsbrev, nettsideinnhald, oversetting og marknadsføring. Workshopen er relevant for mange: reiselivsaktørar, småbedrifter, kulturarbeidarar, offentleg ansatte, frivillige lag og organisasjonar, festivalar, arrangørar – og alle andre som brukar mykje tid på tekst og kommunikasjon i jobben.
Ingen forkunnskapar trengst. Vi startar med det grunnleggjande og jobbar oss stegvis fram gjennom øvingar og praktiske eksempel.
Kurset er gratis, men krev påmelding ved å hente billett. Lunsj kl. 12:00 kostar kr 200 og betalast i skranken på Norsk Fjordsenter.
Ole Jørn Myklebust har brei erfaring som produsent og prosjektleiar frå kultur- og organisasjonslivet, både nasjonalt og internasjonalt. Han brukar kunstig intelligens aktivt i kvardagen for å effektivisere søknadsarbeid, rapportering, tekstproduksjon og kommunikasjon – og held kurs i korleis AI kan frigjere tid og forenkle kontoroppgåver.
Tid: Torsdag 25. september kl. 13.00–17.00 (lunsj kl 12:00)
Stad: Norsk Fjordsenter, Geiranger
Arrangørar: Stiftinga Geirangerfjorden Verdsarv, Festspela i Geiranger og Møre og Romsdal fylkeskommune.
You may also like the following events from Festspela i Geiranger:
|
