Jólahátíð í Stavanger

Íslenska kirkjan í Noregi í samstarfi við Íslendingafélagið í Stavanger - Islandsk Norsk forening, býður alla velkomna á Jólahátíð sunnudaginn 30.nóvember í Madlamark kirkju í Stavanger.

Dagurinn verður hlýr og hátíðlegur með mikilli tónlist, jólalestrum og söngvum, og jólaballi.

Jólahátíðin hefst kl. 14 með aðgengilegri og ljúfri jólaguðsþjónustu fyrir alla fjölskylduna, og að henni lokinni er jólaball í safnaðarheimilinu.

Það verður heitt kaffi á könnunni og allir taka með eitthvað gott á sameiginlegt kaffihlaðborð.

Gengið verður í kringum jólatré og hver veit nema jólaleynigestur mæti á svæðið með góðgæti í poka.

Hlökkum til að sjá ykkur öll og verið hjartanlega velkomin!

You may also like the following events from Íslenska kirkjan í Noregi:

• This Sunday, 23rd November, 02:00 pm, AÐVENTUHÁTÍÐ 2025 - BØLER KIRKJA Í OSLÓ in Oslo
• Next Saturday, 29th November, 12:00 pm, Jólahátíð í Skjold kirkju - Bergen in Bergen
• Next Saturday, 29th November, 01:00 pm, Jólahátíð í Kristiansand in Kristiansand