АНГЕЛИ ВО АМЕРИКА
Среќна фантазија на национални теми
Дел I: Милениумот наближува
🗓 2 март 2026, Македонски народен театар
БИЛЕТИ: www.mnt.mk и на билетарата на МНТ
ВАЖНА НАПОМЕНА: За сите гледачи кои купија билети за изведбата на 1 декември 2025 која беше прекината поради технички причини, истите билети важат и за претстојната изведба на 2 март. Доколку билетите ги купивте онлајн, сè што треба да направите е да ги испратите старите билети на
aW5mbyB8IG1udCAhIG1r и за возврат ќе добиете нови билети. Доколку билетите сте ги купиле на билетарата, истите може да ги замените секој работен на билетарата на МНТ. Крајниот рок за замена на билетите е 20 февруари.
Автор: Тони Кушнер
Режија и превод: Филип Петковски
Кога зборуваме за големите американски драмски текстови, најчесто ги спомнуваме великаните како Тенеси Вилијамс, Артур Милер или Дејвид Мамет, чии дела се сè уште продуцирани во сите театри низ светот. Во 1991 година, инспириран од случки од неговиот приватен живот, Тони Кушнер ја пишува Ангели во Америка: Среќна фантазија на национални теми— дело кое засекогаш ќе ја промени светската театарска историја, а Кушнер ќе го смести како еден од највлијателните американски драматурзи. Претставата ја добива Пулицеровата награда за драма, наградата Тони, како и речиси сите други значајни признанија во театарот, токму поради нејзината способност да го претвори театарот во моќна алатка за општествени коментари, комбинирајќи извонредна драматуршка структура, акцент на актерската игра и симболични сцени кои и денес звучат релевантно.
Наместо да се фокусира на стереотипни и комични прикази на квир луѓето, претставата се фокусира на приказни за љубов под незамислив притисок, за страв и храброст, за вера и сомнеж, за човечката потреба да се најде надеж дури и кога светот изгледа решен да ја уништи. Сидата во оваа претстава не е само болест – таа е и симбол за начинот на кој општеството се однесува кон сите оние кои се ранливи, особено во ситуации кога е политички „погодно“ да ја свртиме главата настрана.
Играат: Јордан Симонов, Александар Стоименовски, Стефан Спасов, Илин Јовановски, Наталија Теодосиева, Тања Кочовска, Дамјан Цветановски и Нела Павловска
Сценограф: Мартин Манев
Костимограф: Антонија Гугинска Јорданоска
Дизајнер на светло: Дарко Младеновски
Дизајнер на плакат: Ивана Мојсовска Головска
Дизајнер на звук: Давид Николовски
Кореограф: Иван Ангелковски
Фотографија и камера: Марко Марјановиќ
Визуелен дизајн: Ивана Мојсовска Головска
Камера: Борјан Стојков
Асистенти: Оливија Трајковска и Антонија Белазелковска
Инспициент: Вукица Александрова
Продуценти: Петар Антевски и Филип Петковски
Суфлер: Мирослав Атанасовски
Светло-мајстор: Горјан Темелковски
Тон-мајстор: Александар Арсиќ
Манипуланти: Васко Бојаџиски, Трајче Тасевски и Горан Димов
Реквизитери: Соња Крстевска и Данил Цветковски
Гардеробери: Валентина Чонкова, Скендер Бериша и Елизабета Стамчевска
Шминкери и фризери: Бранка Пљачковска и Лора Спасовска
Декоратери: Ибрахим Рамановски, Дурмиш Сефер, Нерхан Османовски и Горјан Здравевски
Претставата не се препорачува за лица помлади од 16 години.
Оваа активност е поддржана од проектот Култура за развој на Владата на Швајцарија и е имплементирана од Хартефакт фонд. Изнесените ставови во оваа претстава се единствена одговорност на авторите и не мора да ги одразуваат ставовите на Владата на Швајцарија или на Хартефакт фонд.
Претставата е подржана од Министерство за култура / Ministria e Kulturës, Europe House Skopje, German Embassy Skopje, Заедно посилни и Gilead Sciences Europe LTD.
