Þú sem ert á jörðu - Útgáfuhóf

Í tilefni útgáfu fyrstu skáldsögu Nínu Ólafsdóttur, Þú sem ert á jörðu, verður blásið til útgáfuhófs í Pennanum Eymundsson í Austurstræti fimmtudaginn 11. september kl 16:30.

Þú sem ert á jörðu er skáldsaga sem fylgir lífshlaupi konu sem elst upp á heimskautasvæði á tímum mikilla umhverfis- og samfélagsbreytinga. Líf hennar tekur stakkaskiptum og hún flækist inn í atburðarás sem flytur hana yfir heimshöfin. Á einmanalegri ferð sinni um ólík vistkerfi sér hún gjörbreyttan heim og rifjar upp örlög horfinna ástvina, sem og heimsins sem hún kveður.

Léttar veitingar verða í boði, höfundur les upp og áritar og bókin verður á sérstöku útgáfutilboði.

Við hlökkum til að sjá ykkur!