Þér er boðið í útgáfuhóf í tilefni útgáfu skáldsögunnar Allt sem við hefðum getað orðið eftir Sif Sigmarsdóttur. Höfundur les upp og áritar. Léttar veitingar í boði. Bókin verður á sérstöku útgáfutilboði. Allir velkomnir!
Staður: Eymundsson Skólavörðustíg
Stund: Fimmtudagurinn 30. október, kl. 17:00
„Leggið frá ykkur börnin, símann og fjarstýringuna því hér er bók sem heimtar daginn! Flakandi ferskt spennudrama um skuggahlið listarinnar og súrnaða drauma.“
-Hallgrímur Helgason
Um bókina:
Nýlendugata 22, kjallari
Þrjár konur. Ein íbúð. Áratugir skilja þær að. Leyndarmál leiðir þær saman.
Lilja Kristjánsdóttir, blaðamaður á Dagblaðinu, starfar með fólki sem er svo ungt að það heldur að Helmut Kohl sé nýjasti rakspírinn frá Prada og Nirvana sé hugarástand sem fólk öðlast eftir jóga tíma yfir súrdeigsbrauði með avocado.
Þegar Lilja fær veður af því að hún sé líklegt fórnarlamb niðurskurðar tekur við upplausn í lífi hennar. Hver er hún ef hún er ekki Lilja Kristjánsdóttir, blaðamaður hjá Dagblaðinu?
Þegar Lilju er falið að fjalla um nýútkomna bók um þýska gyðingakonu sem fluttist til Íslands eftir heimsstyrjöldina síðari vakna með henni grunsemdir um að ekki sé allt sem sýnist.
Lilja telur sig í þann veginn að svipta hulunni af stærsta bókmenntahneyksli Íslandssögunnar. En getur verið að mislyndi skjalavörðurinn á Landsbókasafninu sé að spila með hana?
Allt sem við hefðum getað orðið er að hluta byggð á lífshlaupi Anniear Leifs, fyrstu eiginkonu tónskáldsins Jóns Leifs. Annie lagði allt í sölurnar svo að fremsta tónskáld Íslendinga mætti blómstra. Hún komst hins vegar að því að maður uppsker ekki alltaf eins og maður sáir.
------------------------------------------------------------------
Sif Sigmarsdóttir er rithöfundur og blaðamaður búsett í London. Hún er kunn fyrir beitta pistla um samfélagsmál en hún hefur starfað fyrir Heimildina, Fréttablaðið, RÚV og Morgunblaðið auk þess sem skrif hennar hafa birst í breskum miðlum á borð við Guardian og Independent.
Sif skrifar bækur bæði á íslensku og ensku. Bækur hennar hafa hlotið tilnefningar til Íslensku bókmenntaverðlaunanna og Fjöruverðlaunanna. Bækur Sifjar eru gefnar út í Bretlandi af útgáfurisanum Hachette.
You may also like the following events from Benedikt bókaútgáfa:
