Safnabragur – fyrirlestur og spjall um vinnu að handbók í safnfræðslu

Í sumar sendu nemarnir Regína Márusdóttir og Harpa Rut Hilmarsdóttir út spurningakönnun þar sem upplýsingum um fræðslu á söfnum og setrum í landinu var safnað. Svörin munu nýtast í undirbúningsvinnu fyrir handbók um safnfræðslu.

Verkefnið er samstarf safnkennara höfuðsafnanna og Guðrúnar Drafnar Whitehead, lektors í safnafræði, og hlaut það styrk frá Nýsköpunarsjóði Námsmanna. Þær Harpa Rut og Regína munu á þessum fundi halda fyrirlestur um helstu niðurstöður rannsóknarinnar og bjóða upp á spjall.

Öll áhugasöm um safnfræðslu og þau tækifæri sem í henni felast eru velkomin. Regína og Harpa svara gjarnan spurningum úr sal og vonandi skapast líflegar umræður.

Aðgangur er ókeypis, við hlökkum til að sjá ykkur á Þjóðminjasafninu 30. september, kl. 16.00-17.00.

Fyrirlestrinum verður ekki streymt en upptakan verður aðgengileg eftir hann á YouTube rás Þjóðminjasafnsins.