Myndlistaropnun - STAÐUR OG STUND - Guðrún Jarþrúður saumar út

Guðrún Jarþrúður Baldvinsdóttir opnar sýningu sína í Hannesarholti laugardaginn 25.október á útsaumsverkum sem hún hefur unnið síðustu fimm ár.

Munstrin teiknar hún sjálf en fyrirmyndirnar eru staðir þar sem
stundirnar í lífi hennar hafa markað spor.

Guðrún Jarþrúður Baldvinsdóttir hefur átt fjölbreyttan starfsferil en
síðustu árin snúið sér að útsaumi sem hefur átt hug hennar allan. Hún leitar fanga í minningasafninu og staldrar við á stöðum sem hafa haft afgerandi áhrif á lífshlaupið. Auk þess hefur hún saumað út myndir af húsum sem skipta vini og vandamenn máli og þannig fært þeim útsaumaðar minningar.


Guðrún Jarþrúður teiknar öll munstrin sjálf. Myndirnar eru saumaðar í bláan java með DMC þræði og kryddaðar með öðru bandi. Myndirnar eru u.þ.b. 30x30 sm án rammans.

Í hverri mynd eru rétt um 250 m af þræði.

Sýningin er sölusýning og er opin á opnunartímun Hannesarholts, miðvikudaga til laugardaga kl.11.30-16. Sýningin stendur til 13.nóvember.

You may also like the following events from Hannesarholt:

• This Thursday, 9th October, 08:00 pm, Tiktúra in Reykjavík
• This Friday, 10th October, 08:00 pm, Níels er Napoleon in Reykjavík
• This Sunday, 12th October, 08:00 pm, Gabriel Gold: White Raven Dreaming - Ný dagsetning / New concert date in Reykjavík