Jóladraumar- dansverk fyrir alla fjölskylduna

JÓLADRAUMAR er danssýning fyrir alla fjölskylduna um leitina að hinum sanna jólaanda. Einvala lið listamanna stendur að sýningunni þar sem hugað er að hverju smáatriði svo úr verður töfrandi ævintýraheimur sem lætur engan ósnortin.

Í lok sýningar er slegið upp jólaballi og gefst áhorfenum kostur á að stíga á sviðið og dansa í kringum “sprell-lifandi” jólatré. Fyrir og eftir sýningu býðst gestum einnig að velja sér fallegt jólakort, skrifa jólakveðju til ástvina og stinga í rauðan póstkassa fyrir framan sviðið. Pósturinn sér svo um að koma kveðjunni á réttan stað fyrir jól.

Tónlistin í sýningunni er allt í senn frumsamin tónlist Ásgeirs, útsetningar hans á kunnuglegum jólalögum og lög úr hinni sígildu jólamynd a Charlie Brown Christmas með Vince Guaraldi trio.

Við hlökkum til að eiga notalega stund með ykkur á aðventunni.

Gleðilega JÓLADRAUMA
Íslenski dansflokkurinn

danshöfundur: Inga Maren Rúnarsdóttir

Frekari upplýsingar á https://id.is/joladraumar/

You may also like the following events from Íslenski Dansflokkurinn - Iceland Dance Company:

• This Sunday, 19th October, 08:00 pm, Hringir Orfeusar og annað slúður- aftur á svið in Reykjavík
• Next month, 8th November, 08:00 pm, FLÓÐREKA- Nýtt verk/ New work in Reykjavík