Heilsugæslan er hápólitískur gamanleikur eftir lækni þar sem tveir leikarar, Elfar Logi og Rakel Björk Björnsdóttir, bregða sér í öll hlutverk hvort heldur það eru læknar eða viðskiptavinir, mishressir sjúklingar. Fáir hafa enga skoðun á heilbrigðiskerfinu. Margir telja það bákn en enginn vill þó án þess vera. Heilsugæslan er fyrsti viðkomustaðurinn, þar hefjast hlutirnir, leysast, velkjast eða flækjast.
