Blásarasveit MÍT býður til stórtónleika!

Í haust hóf blásarasveit MÍT starfsemi sína – en sveitin er nýr og spennandi vettvangur fyrir ungt tónlistarfólk sem lærir á blásturshljóðfæri og slagverk. Sveitin er skipuð nemendum MÍT og tónlistarnemum sem hafa tekið þátt í starfi skólahljómsveitanna á höfuðborgarsvæðinu eða stundað nám í öðrum tónlistarskólum.

Markmið blásarasveitar MÍT er að skapa hvetjandi umhverfi þar sem ungmenni geta haldið áfram að spila saman og tengjast vinaböndum, þróast sem hljóðfæraleikarar og upplifa kraftinn og gleðina í samvinnunni. Blásarasveitin byggir á því frábæra starfi sem unnið er í skólahljómsveitum – þar sem samvinna, hlustun, færni og gleði eru í forgrunni.

Í blásarasveit MÍT koma saman um 70 ungmenni sem leggja allt sitt í tónlistina og mynda stórkostlega heild undir stjórn Samúels Jóns Samúelssonar.


Ekki láta þennan einstaka viðburð fram hjá þér fara –það er einstök upplifun að sjá og heyra kraftinn sem býr í þessum hópi!