Í tilefni af 150 ára ártíð Bólu-Hjálmars (1796-1875), standa Þjóðminjasafn Íslands og Árnastofnun fyrir málþingi um hið þekkta alþýðuskáld. Málþingið fer fram í fyrirlestrarsal Þjóðminjasafnsins á 1. hæð safnsins, laugardaginn 25. október kl. 13-16. Á málþinginu verður fjallað um æviferil Bólu-Hjálmars og fjölbreytt lífsverk hans, en auk þess að vera eitt mesta alþýðuskáld þjóðarinnar safnaði hann þjóðlegum fróðleik og lagði stund á útskurð. Á milli dagskráratriða munu félagar í Kvæðamannafélaginu Iðunni kveða vísur eftir Bólu-Hjálmar við kvæðalög sem varðveist hafa meðal afkomenda hans.
Ævar Kjartansson stjórnar málþinginu.
- Bólu Hjálmar - mennska og menningararfur.
Sigríður Sigurðardóttir, sagnfræðingur og fyrrum safnstjóri Byggðasafns Skagfirðinga.
- Ritvélin hans Hjálmars.
Þórður Helgason, dósent emeritus víð Menntavísindasvið HÍ.
- „Skollvalds hóran“ – myndmál og kenninganotkun Bólu-Hjálmars.
Haukur Þorgeirsson rannsóknarprófessor við Árnastofnun
Kaffihlé
-Útskurðurinn.
Halldór Júlíusson, tréskeri og áhugamaður um tréskurð Hjálmars.
-Hjálmar og þjóðsagnasafn Jóns Árnasonar.
Rósa Þorsteinsdóttir, þjóðfræðingur og rannsóknardósent.
-Hvernig leit Bólu-Hjálmar út?
Kristján B. Jónasson, bókmenntafræðingur.
Málþingi slitið
You may also like the following events from Þjóðminjasafn Íslands/ National Museum of Iceland:
