Врската со детето во нас е основа на сите релации во нашиот живот... Внатрешниот систем за интеракција со другите и светот се гради врз начинот на кој сме ја доживеале Љубовта во семејството како деца, што сме научиле за себе и како средината нè обликувала. За време на нашето растење нарушувањата неизбежно се случуваат, дури и со најдобри намери од луѓето кои се грижеле за нас се создаваат различни видови однесувања за адаптација, кои ги обележуваат сите наши понатамошни релации со луѓето. Остануваме на емоционалната возраст на детето кое сме биле и не можеме да реагираме од сегашниот момент како зрел возрасен. Поголемиот дел од времето го живееме во минатото, реагираме од минатото и се вртиме во непродуктивни модели на однесување.
Во овој курс сакаме да го споделиме со вас светски познатиот процес на првична терапија – лекување на внатрешното дете, низ кој поминале илјадници луѓе. Процесот е основен и важен за секој што сака да живее исполнето!
☀ Во овој процес ќе се вратиме назад во времето од 12-годишна возраст до зачнувањето, разјаснувајќи ги условеностите стекнати во тие први години и слоевите на лажни личности, создадени за да се приспособиме на семејната средина.
☀ Стари, заклучени емоции кои влијаат на нашиот живот како возрасни ќе бидат ослободени, создавајќи мост назад кон нашето вистинско Јас, за тоа да може да се изрази во нови форми на креативност и љубов. Со трансформација на проблемите од секоја етапа од детството, си ги враќаме суштинските квалитети – природната интелигенција, невиноста, инспирацијата, храброста, способноста да поставуваме здрави граници, радоста и смеата, чувството за насока во животот, љубовта итн.
☀ Ќе научиме како да го откриваме и поддржуваме Детето во нас, за да можеме да им помагаме и на другите – нашите деца, партнери, клиенти.
Што е „Внатрешното дете“?
„Внатрешното дете“ е дел од нашата психа – оној дел каде што останале заглавени старите болни спомени, трауми, непреработени емоции, внатрешното дете е и делот од нас кој го носи целиот наш потенцијал, сите квалитети, сите можности.
Зошто го правиме овој процес?
Во процесот ќе се вратиме назад во времето, гледајќи од друга перспектива, и ќе откриеме и излечиме ситуации од минатото, што ќе ни овозможи во сегашниот момент да имаме избор и да реагираме на поздрав начин. Ќе се вратиме во нашето детство, ќе го видиме целиот товар што го носиме, структурата на нашата личност и она што најмногу пречи за да имаме вистински и среќни релации со светот околу нас.
☀ Лековитото во овој процес е тоа што, освен што осознаваме што се случило во минатото, успеваме да создадеме нова врска меѓу нас како возрасни и детето во нас. Така можеме да почнеме да се грижиме за себе на нов начин и да не ја бараме љубовта однадвор. Преку процесот успеваме да се ослободиме од оние влијанија, компромиси и непишани договори што несвесно сме ги направиле како деца за да преживееме во одредени ситуации, но кои и денес продолжуваме да ги следиме, иако одамна не е потребно. Така ги саботираме нашите врски, ветувања, интегритет.
Некои теми што ќе ги истражуваме:
• Како да се поврземе со нашето внатрешно дете, да разбереме подобро кои улоги и условености морало да ги прифати за да припаѓа
• Да го поддржиме детето во нас и да се помириме со минатото – тоа ги поставува темелите за подобри интимни врски и отворање кон љубовта
• Како да се ослободиме од зависноста од туѓо мислење
• Како да станеме родители на самите себе (и подобри родители за нашите деца)
Методи што ќе се користат: регресија, медитација, телесно-ориентирани пристапи, работа со дишење, гешталт, визуализации, креативни пристапи, водење дневник, познавање на Суштината.
Водител : Елица Великова, психолог и терапевт
Има магистерска диплома по Експресивна арт терапија од European Graduate School, Саас-Фе, Швајцарија и по психологија од American University of London, Велика Британија. Директор и основач на Институт за уметност и терапија, Софија, како и водител на семинари, обуки и терапевтски групи.Се има специјализирано во широк спектар на психолошки методи на работа, како лекување на детски трауми, консултирање, семејна терапија, групи за самопознавање. Одржувала семинари во повеќе земји, меѓу кои Грција, Турција, Русија, Кина, Литванија, Мексико, Италија и други. Од 2004 година работи со возрасни, деца и парови, користејќи разни методи.
Место на одржување:
АУРОРА РЕСОРТ И СПА Берово
Запишување и информации :
c2VtZWpuaWtvbnN0ZWxhY2lpIHwgZ21haWwgISBjb20=
Тел. +389 78 636 948
